Ipinagdiriwang ni Ian Veneracion, 47, ang ika-40 taon niya sa showbiz, at aktibo pa rin talaga siya sa kanyang karera.
Para kay Ian, mahalaga ang passion at pagiging propesyonal para tumagal sa showbiz.
"I'm never in it for fame or for money," diin ng actor-singer.
Gusto raw niya ang proseso sa pagbibigay-buhay sa mga karakter na makaka-identify ang mga manonood.
Paliwanag niya: "I think if you're gonna be an actor just because you wanna be rich or famous, I think you won't succed.
"I think, if you enjoy telling stories, if you enjoy acquiring different shapes and trying different characters...
"There are many games that you can play as an actor, internal games, and it all happens inside your head and I really enjoy that.
"Siguro that's why nag-e-enjoy din mga nakatrabaho ko because it was fun, I have so much fun doing it. I take my fun seriously and my games seriously."
Naniniwala rin si Ian na tumagal siya dahil mayroon siyang disiplina sa trabaho.
"Being professional, of course. Ayokong may masasabi sa akin na na-late ako, or dumating iyan na di alam ang lines niya, or dumating sa set iyan na lasing—walang ganyan.
"I think it pays off. You gain a certain reputation for being reliable, and maybe I'm reaping the benefits now from my peers," saad ni Ian.
- Ian Veneracion reveals A Love To Last stint made him love doing concerts: “Kumapal na yung mukha ko kumanta in public.”
- Zeinab Harake reveals Skusta Clee’s “kabit” caused falling-out with Wilbert Tolentino
- Robi Domingo takes a swipe at Zeinab Harake for "walang market" comment; Zeinab apologizes
ON HEADLING AN ACTION SERIES
Bida si Ian sa StudioThree Sixty action series na One Good Day, na mapapanood sa Amazon Prime Video, simula sa November 17, 2022, sa ilalim ng direksiyon ni Lester Pimentel-Ong.
Hudyat niya ito sa pagbabalik-aksyon dahil noong '90s ay bumida siya sa actioin movies na Alyas Baby Face, Zaldong Tisoy, Bukas... Tatakpan Ka Ng Dyaryo, Boy Praning: Utak Pulbura, Pugoy - Hostge: Davao, Isa Lang Ang Buhay Mo, Halang Ang Bituka, Kanto Boy 2, Pedrito Masangkay, Ben Balasador, Totoy Hitman, Bastardo, to name a few.
Saad niya, "Siyempre masaya and excited ako kasi I've been doing action movies before. Parang home court ko ito, e, so I'm very comforatable with the physical aspect of it and siyempre the acting part of it.
"Preparations? Martial arts siyempre, fight scenes. We had to do training with the stuntmen and also the camera works kasi kasama sa choreography yung camera.
"Parang Godfather na John Wick na James Bond na di mo maintindihan."
Bukod sa six-part series na One Good Day sa Amazon Prime, abala rin siya sa concert na Kilabotitos kasama si Ogie Alcasid.
"Kaya ko nagagawa yun kasi walang teleserye [sa TV]. Hindi ko ma-imagine ang sarili ko, kunwari, may teleserye ako ngayon, di ko magagawa yung concert, shooting ng movie or [short] series tulad nito.
"Pero mas nae-enjoy ko iba't ibang platforms ngayon. And I'm so thankful na, yun nga, lumalawak pa yung platforms on how I can creatively express myself and perform in different mediums.
"And it's a good time to be an actor, it's a good time to be alive, kasi nga mayroon tayo iba't ibang channels. Puwede kang gumawa ng sariling channel mo.
"Like this one, ang galing kasi mapapanood tayo hindi lang dito, hindi lang sa local theaters kundi sa mga kababayan natin, and hopefully magkaroon tayo ng foreign audience din."
Mapapanood din si Ian sa Metro Manila Film Festival 2022 entry na Nanahimik ang Gabi katambal si Heaven Peralejo sa December film festival.
Read: Heaven Peralejo reveals how she was convinced to play sugar baby in "Nanahimik Ang Gabi"
ON OFFERS FROM TV NETWORKS
May mga offers daw si Ian mula sa ibang TV stations, pero mas nae-enjoy niya ngayon na hindi siya tali sa isang proyekto.
"Mas gugustuhin ko ngayon gumawa ng movies and TV series kasi ayokong itali ang sarili ko for a long time for a [full-length] serye, kasi paano na yung concerts?
"Ngayon, puwede nang mag-concert, hindi lang dito kundi sa provinces, sa abroad, sa States sa Europe, ang daming options ngayon.
"Gusto ko yun, gusto ko yung ganun, instead na isa lang ang ginagawa ko and nakatali ako sa ganun."
Sa 40 years niya sa showbiz, walang matinding intriga na napagdaanan si Ian.
"Wala. E, saka kung mayroon man, parte ng trabaho ko yun, e, parte yun of being an actor. Lalo na ngayon medyo walang kuwenta sa dami ng fake accounts.
"[Kaya] bina-value ko talaga yung mga tao, real connections, real conversations, real people.
"Di ako masyado active online kasi di mo alam kung sino ang ka-chat mo."
ON debate ABOUT K-DRAMA content
Naging isyu kamakailan ang suhestiyon ni Senator Jinggoy Estrada na i-ban sa bansa ang pagpapalabas ng mga Korean series para mabigyang prayoridad Ang mga Filipino movies at teleseryes.
Read: Senator Jinggoy Estrada clarifies statement about banning K-dramas in the Philippines
Hindi sang-ayon dito si Ian.
Paliwang ng aktor: "Well, of course, I'm not a lawmaker, I don't know the data, but in my own humble opinion, I'm not towards prohibiting anyone.
"I think competition is good, and I think we have to step up and raise the level of our game, the quality of our movies.
"Hopefully, we get the support of government and the people also na huwag nating hayaan na mamatay ang industriyang Filipino.
"Kumbaga sa basketball, kung malakas ang kalaban, huwag natin silang pagbawalan. Galingan natin, practice din tayo, challenge accepted.
"I really believe in the Filipino talent, if we're given support lang, marami tayong magagawa.
"Just like kung gaano tayo kagaling in music, kahit saang pumunta kang cruise ship, Filipino ang mga tumutugtog sa mga hotels sa ibang bansa.
"Mahilig tayo sa arts talaga, so we really have good actors and writers and directors, cinematographers.
"Daming malulupit dito, hindi lang talaga nabibigyan ng break because of budget constraints."