Slight physical injury, grave oral defamation, at grave slander by deed ang mga reklamong isinampa ng sexy actress na si Debbie Garcia laban kay Barbie Imperial.
Pormal na inihain ni Debbie ang kanyang reklamo laban kay Barbie sa Quezon City Prosecutor’s Office ngayong Miyerkules ng hapon, November 2, 2022.
Kasama ang legal counsel niya, personal na nagsadya si Debbie sa Justice Hall ng Quezon City, bandang ala una ng hapon, para ihingi ng hustisya ang diumano’y pananakit na ginawa sa kanya ng Kapamilya actress.
Nangyari ang insidente sa Tipsy Pig Gastropub bandang ala-una ng madaling-araw, noong Biyernes, October 28 .
Dokumentado ang pangyayari dahil nagsadya agad si Debbie sa Quezon City Police Station sa Kamuning, Quezon City, noong Biyernes ng madaling-araw para ipa-blotter ang sinapit umano niya sa mga kamay ni Barbie.
Read: Vivamax star Debbie Garcia, ipina-blotter ang pananakit umano sa kanya ni Barbie Imperial
Nakunan din ng CCTV ng establisimiyento ang insidente at kabilang ito sa mga gagamiting ebidensiya ng kampo ni Debbie.
Kabilang si Debbie sa mga showbiz personality na kasosyo sa Timog branch ng Tipsy Pig Gastropub.
Isang opisyal na pahayag ang nakatakdang ilabas ng abogado ni Debbie tungkol sa sigalot na kinasasangkutan nila ni Barbie.
May mga haka-hakang paninibugho umano ang ugat ng pangangalmot ni Barbie kay Debbie.
Pinagselosan umano ni Barbie si Debbie noong magkarelasyon pa ang Kapamilya actress at ang kanyang ex-boyfriend na si Diego Loyzaga.
Nagkasama sina Diego at Debbie sa Vivamax movie na The Wife na ginawa nila noong December 2021. Ito rin ang buwan na tinapos nina Barbie at Diego ang kanilang relasyon.
Read: Diego Loyzaga finally breaks silence about breakup with Barbie Imperial
Sa kasalukuyan ay wala pang inilalabas na pahayag ang kampo ni Barbie kaugnay ng insidenteng ito.