Ang karapatang pakinggan din ang kanyang panig at paliwanag ang hiniling ni Dennis Padilla kay Karen Davila para mabigyan ng linaw ang mga isyu sa vlog interview ng ABS-CBN broadcaster sa anak ng comedian na si Julia Barretto.
Sa panayam ni Julia na lumabas sa YouTube vlog ni Karen noong September 15, 2022, tinanong ng bradcaster ang aktres kung kumusta na sila ng amang si Dennis.
Bahagi ng pahayag ni Julia: “I'll be very honest, we have not spoken, and it's because there's just so much fear inside me now, if I'm being very open.
“I’m just really scared because I feel, like, over the years, it’s been a cycle of making up and getting hurt and then making up and then getting hurt.
“You know, I kinda just want to huminga lang muna from that cycle.
"And, you know, I've just been praying also na, I don’t know, maybe in God's time and way na, you know, mag-meet kami in the middle without having to get hurt again.”
Tinanong din ni Karen si Julia kung napatawad na ba niya ang kanyang ama.
Tugon ng akres: “I think, it’s not difficult for us to forgive, but it’s difficult to really just…
"It’s not the forgiveness, it’s to forget. But there's just a lot of fear because I don’t know what’s gonna happen.
"But forgiveness, of course, definitely, that’s my own peace of mind, di ba?
“Hindi ko ipagkakait ang forgiveness but I'm just not ready.
"I think, there's just been so much pain over the years since I was young, so parang I got tired of the same thing."
DENNIS ASKS KAREN FOR AN INTERVIEW
Matapos mapanood ni Dennis ang interview ni Julia kay Karen ay nagpaabot ng mensahe ang komedyante sa TV Patrol anchor.
"Pls be fair to all… You need to interview me," mensaheng ipinarating ni Dennis kay Karen sa pamamagitan ng kanyang burado na ngayong Instagram post noong September 2022.
Read: Dennis Padilla asks Karen Davila to get his side after Julia Barretto's tell-all
Mabilis na nakarating kay Karen ang hinaing ni Dennis kaya sumagot ito sa social media post ng komedyante.
Mensahe niya: “Good morning Dennis…Just saw this…text you back just now.”
Dalawang buwan na mula nang mangyari ang insidente kaya ito ang itinanong ng Philippine Entertainment (PEP.ph) kay Dennis nang makausap namin siya noong Miyerkules, November 30.
Ayon kay Dennis, hanggang ngayon ay hindi pa nangyayari ang pangako umano ni Karen na panayam sa kanya, in the spirit of fairness.
“Kita niyo naman yung angst ko kay Karen Davila, inilabas ko lahat,” sagot ni Dennis sa aming tanong.
Lahad pa niya, “Tinawagan ako [noon] ni Karen. Sabi niya, 'Grabe yung mga pinost mo, Dennis.'
“Sabi ko, ‘E, winan-side mo ako. Ginawa mo akong kontrabida,’ kaya ginising ko siya [Karen].
“Tapos sabi niya, ‘Di bale, I will give you a chance na interbyuhin din kita.’
“Sabi ko, 'Talaga, kahit barkada mo si Marjorie [Barretto, Dennis's ex-wife]?’
“Sabi niya, ‘Of course! Kaya lang hindi naman puwedeng interbyuhin kita para sagutin yun kasi yung sa akin [vlog], good vibes.’
“Sabi ko, ‘Sige, ganito na lang, may presscon ako ng September 23 for my new teleserye, kaya lang GMA-7 show. Okay ba yun?’
“Sabi niya, ‘Oo! Walang problema. Vlog ko naman ito.’
“Nag-presscon kami. Sabi niya, after a week, saka niya ako iinterbyuhin. Hindi naman niya ako binalikan, e.”
Kabilang si Dennis sa cast ng Kapuso prime-time series na Maria Clara at Ibarra.
Himutok pa ng comedian, sa malumanay na boses: “Shinowbiz din niya ako! Pero kung nagkaharap kami ni Karen Davila, ako, kaya kong tumingin nang diretso sa mata niya.
“Ang problema niya, siya ba, kaya niyang tumingin sa akin?
"Kahit Karen Davila ka, mangliliit ka sa akin kapag nagkita kami dahil sasabihin ko sa kanya, ‘Journalist ka, e. You have to weigh things. E, bakit ni-one side mo ako?'
“Sabi ko pa nga, ‘If you want, Karen, puntahan na lang kita sa bahay. If you want, I’ll just visit you sa house mo para mainterbyu mo ako. Dun na lang kita kausapin.’
“Ang sabi niya, ‘You know, Dennis, what you said is very threatening. That’s very threatening!
“Sabi ko, ‘Threatening ? Anong threatening dun? Dadalawin kita sa bahay para kausapin ka? Anong threatening dun?’
“Ang OA mo! Threatening daw? Bakit sinabi ko ba na pupuntahan kita sa bahay mo tapos sasaksakin kita?
"Ang sabi ko, pupuntahan kita sa bahay para mainterbyu mo ako.”
Labis daw ipinagtataka ni Dennis ang reaksiyon ni Karen nang magkausap sila. At hanggang ngayon, hinihintay niya ang paliwanag ng ABS-CBN news reader tungkol sa hindi nito tinupad na pangako.
Bukas ang PEP.ph sa panig ni Karen Davila kaugnay ng mga naging pahayag ni Dennis Padilla sa artikulong ito.