Si Andrea Brillantes ba ang susunod na Dyesebel?
Ito ang tanong ng maraming netizens matapos ibunyag ni Ogie Diaz sa kanyang YouTube vlog, kasama sina Mama Loi at Dyosa Pockoh, na ang Kapamilya actress ang bibida sa iconic fantasy-drama series.
Ayon kay Ogie, sa 2023 ay nakatakdang magwakas ang Mars Ravelo's Darna na pinagbibidahan nina Jane de Leon, Joshua Garcia, at Janella Salvador—at papalitan ito ng Dysebel.
Io ay sa kabila ng napabalita na ang susunod na teleseryeng pagbibidahan ni Coco Martin sa ABS-CBN, ang TV adaptation ng isa ring pelikula noon ni Fernando Poe Jr. ang Batang Quiapo. Makakasama niya rito si Charo Santos at ang anak ni FPJ na si Lovi Poe.
Ang Coco Martin-starrer na FPJ's Ang Probinsyano ang dating umookupa sa timeslot ng Darna.
Read: Coco Martin co-stars with FPJ's daughter Lovi Poe in TV adaptation of "Batang Quiapo"
Ang Dysebel ay isa sa mga likha ng legendary comic book cartoonist na si Mars Ravelo, na siya ring nasa likod ng sikat na pinoy superheroes gaya nina Darna, Captain Barbell, at Lastikman.
Hindi rin daw makukuwestiyon ang galing ni Andrea sa paglalangoy dahil mismo ina ni Andrea na diver ang nagturo sa kanya.
Makikita rin ito sa vlog niya sa YouTube noong 2017, kung saan nag-ala sirena ang young actress sa Boracay Island nang minsang magbakasyon sila ng kanyang ina.
NETIZENS REACT
Agad na pinag-usapan sa social media ang posibleng paglangoy ni Andrea bilang pinakabagong Dyesebel.
Ilan sa kanyang mga tagahanga ang nagpaabot ng suporta.
Tweet ng isang netizen (published as is), "Andrea Brillantes plays a perfect role of Dyesebel she can swim dive at magaling pa umarte. Congrats blythe nasa iyo na ang corona sobrang proud kami sa iyo."
Saad pa ng isa, "I’m so excited to see blythe in this role! she’ll slay for sure pero sino kayang leading man ni dyesebel? i can only visualize kyle echarri and brent manalo. sino pa kaya? someone that can kill the role with the andrea brillantes."
Sabi naman ng isa, "I'm not a fan of Blythe but nakaka-proud if true na sya ang next dyesebel. Pangarap niya yun eh. Totoo nga na yung taong inaapi mas lalong inaangat. Deserve niya mga blessings niya ngayon. Keep pissing off ur bashers with your achievements. Hanggang bash lang naman sila."
Noong 2013, naiulat dito sa PEP.ph (Philippine Entertainment Portal) na noon pa man ay pangarap na ni Andrea gumanap bilang young Dysebel.
Si Anne Curtis ang huling naging Dysebel na umere sa ABS-CBN noong 2014 matapos nina Marian Rivera (2008), Charlene Gonzalez (1996), Alice Dixson (1990), Alma Moreno (1978), Vilma Santos (1973), Eva Montes (1964), at Edna Luna (1953).
Habang isinusulat ang artikulng ito ay wala pa ring inilalabas na opisyal na pahayag ang ABS-CBN at si Andrea tungkol dito.