Fourteen years old pa lamang daw ang singer na si Sheryn Regis, 43, ay alam na niyang may kakaiba na siyang nararamdaman para sa kapwa babae.
Pero, “Yes, dini-deny ko lang talaga.”
Ito ang kuwento ni Sheryn sa vlog ni kay Toni Gonzaga na lumabas noong nakaraang linggo.
Tanong sa singer: paano niya naisip mag-come out at sabihing lesbian siya?
Kuwento ni Sheryn, “Magpo-forty na ako, kailangan kong anuhin ito.
"Ayoko maging sixty before I tell the people because… as a public figure, it’s my responsibility to tell people.
“Kasi kung itinago ko yung private life ko before, e, hinuhusgahan pa rin ako. How much more kung hindi ko sasabihin?
“Ito na lang: I’m very open now to tell people who I really am.”
Halos apat na taon na ang nakalilipas nang ipagtapat ni Sheryn sa dating asawang si Earl Echiverri at sa kanilang anak ang kanyang sexual orientation.
Kuwento niya: “2019, sinabi ko, ‘You know what, I’m so tired of lying. Not just to you, to you both, not just to you, but to myself also.’
“'I kept denying who I really am kasi gusto ko pag-straighten yung life ko, e. Pero hindi, e.
“’I kept on lying na ayokong tumanda at ayokong mamatay siguro na hindi ko maibigay sa sarili ko ‘to at hindi ko… because you deserve to know who I really am.’”
Patuloy ni Sheryn, “Coz, di ba, 18 pa ako that time, meron pang mga crisis na ganun, let me say, late bloomer ako.”
Diretso raw niyang sinabi sa dating asawa at anak: "I’m a lesbian. I’m not straight. I’m a lesbian."
Banggit pa ni Sheryn, “Kasi may idea na yung anak ko kung sino ako.”
Ano naman ang naging reaksiyon ni Earl—na kung tawagin niya ay Tito Earl dahil sa layo ng agwat ng kanilang edad—sa kanyang ipinagtapat?
Sagot ni Sheryn, “Naiyak siya. Pasensiya na hindi daw niya nakita agad.”
Sa ngayon, masaya na si Sheryn sa piling ng partner nitong si Mel de Guia.
Read: Sheryn Regis, partner Mel de Guia celebrate first anniversary