Kumalat sa social media ngayong Enero 26, 2023, Huwebes, na kinansela na ng ANTV station sa Indonesia ang pagpapalabas ng Mars Ravelo’s Darna na pinagbibidahan ni Jane de Leon.
Haka-haka ng netizens, may mga eksena raw sa nasabing Kapamilya fantaserye na salungat o hindi raw angkop sa kultura ng most-populous Muslim-majority country.
Narito ang paglilinaw ng ABS-CBN International Sales Division na ipinadala sa Philippine Entertainment Portal (PEP.ph) ngayong Huwebes ng gabi:
“Indonesia recently stopped analog TV broadcasting and shifted to digital TV broadcasting.
“ANTV determined that it would be better for viewers to enjoy ‘Darna’ once the transition to digital TV broadcasting has been completed.
“New airing details will be announced soon.”
Nag-analog shutdown na ang Indonesia kaya itinigil ang pagpapalabas doon ng Mars Ravelo’s Darna, pero ipapalabas pa rin iyon doon as soon as possible.
MMFF 2022 ENTRIES INTERNATIONAL SCREENING
Heto pa ang good news!
ABS-CBN, with its commitment to bringing the best Filipino talent and entertainment to the world, is screening internationally the Metro Manila Film Festival (MMFF) 2022 official entries Family Matters, Labyu With An Accent, and Partners in Crime.
Read: MMFF 2022 box office: Deleter naka-P234M; last placer naka-P1.5M lang
Palabas na ang Partners in Crime nina Vice Ganda at Ivana Alawi sa mga sinehan ng US, Canada, New Zealand, at Australia.
Showing na rin sa iba’t ibang bansa ang Labyu With An Accent nina Coco Martin at Jodi Sta. Maria, samantalang sa Pebrero ang international screenings ng Family Matters.
Iyong topgrosser ng MMFF 2022 na Deleter starring Nadine Lustre ay may sasalihang international filmfest, at tutulong doon ang MMFF Executive Committee.
Iyon namang Nanahimik Ang Gabi ay meron ding North American screenings.
VIRAL SCANDAL IN AFRICA
Palabas na rin ang Kapamilya teleseryeng Viral Scandal sa 41 bansa sa Sub-Saharan Africa, kabilang ang Nigeria, Ghana, Seychelles, at Ivory Coast.
Tinampukan ito nina Charlie Dizon, Joshua Garcia, Dimples Romana, at Jake Cuenca.
Nakapagbenta ang ABS-CBN sa mga manonood abroad ng mahigit 50,000 hours ng content sa mahigit limampung (50) bansa.
Kabilang pa sa mga itinampok na de-kalibreng programa abroad ay ang FPJ's Ang Probinsyano, Sino ang Maysala?: Mea Culpa, La Luna Sangre, Since I Found You, Ang sa Iyo ay Akin, at The Legal Wife sa Africa; ang 2015 remake ng Pangako Sa 'Yo sa Latin America; The Blood Sisters sa overseas territories ng France; at kamakailan tatlo sa primetime serye nitong Marry Me, Marry You, On the Wings of Love, at Halik sa Malaysia.