Ang balita ay okay na raw sina Paolo Contis at yung person involved na hindi niya binanggit ang pangalan sa nakaraang interview niya with PEP.ph (Philippine Entertainment Portal).
Nagkausap na nga ba sila ni LJ Reyes?
Sabi ng aktor, “Ang mahirap kasing sagutin sa mga ganyan, minsan mape-preempt, minsan may iba kang nababasa na hindi pala, so might as well…
"Maybe the time that I will talk about really-private things is when talagang maayos na."
May mga paghahanda pa raw siyang dapat gawin.
"Yung very first thing you have to face is ako, yourself, di ba?
"Kailangan mong ayusin ang sarili mo, kasi hindi ka naman puwedeng mag-sorry, pero hindi mo pa din napapatawad ang sarili mo sa mga maling nagawa mo before.”
Masasabi ba niya na mas maayos ang sitwasyon ngayon kumpara sa nakaraang taon?
“In terms of?”
Sa lahat ng aspeto ng buhay niya.
“It’s in the process of hopefully getting better, pero mas ramdam mo yung bigat before, kasi yun nga, maraming…
"I mean when I say people involved, it’s just not direkta, di ba, siyempre meron pang pamilya, so iyan yung mabigat, so one by one, I will try to fix it, again privately."
"Kasi ang hirap pag i-post mo lahat nakikialam, na para bang [alam nila nangyayari]..."
PAOLO MISSES HIS DAUGHTER SUMMER
Pero laging sinasabi ni Paolo na nami-miss niya si Summer,ang anak nila ni LJ na nasa New York na ngayon.
“Oo, definitely!”
May plano ba siyang dalawin ang anak niya?
“I’m hoping, yun ang hindi ko itatago, of course, nami-miss ko yung bata.”
NON-STOP BASHING
At habang inaantay niya ang panahong makaharap uli ang anak, hindi pa rin daw siya tinatantanan ng bashers.
Ang kuwento ng 38-year-old Kapuso, "Ako nga natatawa na lang minsan.
"Halimbawa ngayon pagtingin ko sa Instagram may nagko-comment pa dun sa apology ko two years ago.
"‘Ay ngayon lang siya nagka-load? Ngayon lang siya nakapagbasa.’ Tapos may, ‘Paano ka nakakatulog sa gabi?’
“After two years? Maraming mas kailangan harapin ngayon.”
Matatandaang noong September 21, 2021, ilang linggo matapos ang sightings kina Paolo at Yen Santos, nag-apologize ang aktor sa mga nadamay sa isyu, partikular sa mga nasaktan—sina LJ at Summer, maging kay Aki, na anak ni LJ sa ex-boyfriend na si Paulo Avelino at malapit kay Paolo.
Narito ang bahagi ng mahabang apology ni Paolo:
"To Summer, I’m sorry my Ganda. I love and miss you so much. Papa will do his best to be better. I will always be here for you. I promise.
"To Aki, I wish I could’ve done things differently and listened to you more. I’m sorry I failed you.
"To LJ, I’m very sorry. For everything. Sa lahat lahat."
More than a year after that apology, gustong gawin ni Paolo ang lahat ng susunod na hakbang niya nang walang social media.
Aniya, “Oo, hindi ko tinitira or sinisisi yung mga ibang artista na ganun, kasi kaya nila yun.
"Pero I just think we also have to control it, kung ano yung shine-share namin sa publiko.
"I mean we’re actors, di ba, if you wanna bash me, bash my acting, sige, hanggang dun lang ako.”
At aayusin daw niya ang lahat sa tamang panahon.
"So kung meron man akong mga kailangang paghingan ng tawad, kung may kailangan man akong harapin, are people directly involved dun sa issues, and I will fix that privately."
Personal nakausap si Paolo ng PEP.ph noong Lunes, January 23, 2023, sa shooting ng bago niya pelikula, ang Ikaw At Ako kung saan kapareha niya si Rhian Ramos.
Kasama nila sa pelikula sina Boots Anson-Roa, Ronaldo Valdez, Andrew Gan, at Phoebe Walker.
Sa direksiyon ni Rechie del Carmen, ang Ikaw At Ako ay initial movie venture ng Gutierez Celebrities and Media Production with executive producers MJ Gutierez and Lexie Salmasan.