Sa kabila ng kanyang karamdaman, pinairal pa rin ni Kris Aquino ang pagiging mabuting ina.
Sa Instagram ngayong araw, January 28, 2023, ibinahagi ni Kris ang ilang videos at pictures nila ng mga anak na sina Joshua Aquino at Bimby Yap na kuha sa kanilang pamamasyal sa Disneyland sa Amerika.
Matagal na raw niyang pangako ito kay Joshua at tinupad lang niya.
Makikita namang unti-unti nang bumalik ang malusog na pangangatawan ni Kris
Sabi ni Kris sa caption, “Promise fulfilled… Because i gave kuya Josh my word.”
View this post on Instagram
Nitong nakaraang Bagong Taon, ginulat ni Kris ang marami niyang supporters at followers dahil makikitang nag-improve na ang kanyang kalusugan.
Ito ay base sa mga larawan na ibinahagi ni Batangas Vice Governor Mark Leviste sa Instagram noong January 3, 2023, kung saan mapapansing tila hiyang si Kris sa gamutan sa Amerika.
Habang nasa Amerika ang pamilya ni Mark para magbakasyon, dinalaw niya ang kaibigang si Kris na kasalukuyang nagpapagamot doon.
Saad ni Mark sa caption ng kanyang post: “Spending the first day of the year with the Queen [yellow heart, sparkle emojis]”
Read: New photos show a healthier Kris Aquino; netizens wish her well
Noong January 7 naman, sinabi ni Kris na ikinagulat niya ang pag-viral ng kanyang mga bagong larawan.
Ayon kay Kris, iniiwasan niyang mag-post ng mga bagong larawan niya dahil dinudokumento nito ang gamutang pinagdadaanan para ipakita na hindi siya sumuko sa laban.
Saad niya, “I’ve avoided posting any pics of myself because i’ve been privately chronicling my journey—hoping na after the many months na titiisin ko ang immunosuppressant therapy (i’ve researched all the warnings of how weak i’ll feel, the likelihood that i’ll have low grade fever, throw up often, weight loss, feel even more fatigued than i do now, and yung possibility that i’ll lose my hair-after all the medication is what’s given to cancer patients undergoing chemotherapy-BUT for rheumatology patients yung dosage is about 15%) i’d be able to show all of you in a documentary—na hindi ako SUMUKO, sa lahat ng kinailangan pagdaanan, tinuloy ang LABAN. [heart emoji]”
Read: Kris Aquino surprised her latest photos went viral; says she wasn't told that it would be posted
Mahigit anim na buwan na mula noong sumailalim si Kris sa iba’t ibang klaseng therapy sa Amerika.