Mukhang hindi na pinapayagan ni Pokwang ang ex-partner nitong si Lee O’Brian na mabisita at mahiram ang anak nilang si Malia.
Sa Instagram post noong nakaraang linggo, nagbahagi si Pokwang ng isang short video ni Malia habang nagkukuwentuhan silang dalawa.
Aniya sa caption, “Hahhahahhahaa Maliaaaaa!!!!! hindi kana nga nakatulong sa pagbabagahe ko kinalat pa mga costume ko!!!!! sige! hala! #Happykamingwalaka #itoangmgadimonamakikitasaanakmo”
Kapansin-pansin naman ang hashtags ni Pokwang na patama sa ama ng bata.
View this post on Instagram
Kahapon, March 19, 2023, isang netizen ang nagtanong kay Pokwang tungkol sa visitation rights ng dating partner na si Lee.
Ayon dito, “@itspokwang27 Wala na ba sya visitation rights? Or not allowing him na hiramin si tisay Ganda?”
Diretsong sagot ng Kapuso comedienne-TV host: “ayoko po, nope! Hahahahaha anakan”
Ilang linggo nang binabanatan ni Pokwang ang ex-boyfriend matapos makumpirma ang kanilang hiwalayan noong July 2022.
Read: Pokwang breaks silence on breakup with Lee O'Brian
Noong March 5, 2023, sinabi ni Pokwang na hangga’t hindi nagsu-sorry si Lee sa kanyang mga anak na sina Mae Subong at Malia ay hindi niya ito patatahimikin.
Read: Pokwang not done yet with tirades against Lee O’Brian: "Wala syang katahimikan!"
Bago pa nito, noong March 2, sinabi ni Pokwang na inaayos na niya ang mga legal na papeles para tanggalin ang apelyido ni Malia na "O'Brian" at isunod na ito sa kanyang surname na "Subong."
Isiniwalat pa ni Pokwang na bukod sa "batugan" si Lee, hindi raw nito gusto ang pagbubuntis niya noon sa kanilang anak.
Tinawag din niyang “user” ang ex-partner.
Read: Pokwang reveals she wants to change daughter's surname; calls ex-partner Lee O’Brian "user"
Sa mga nakapansin naman sa kanyang bagong glow ngayon, wala na raw kasi siyang pinapalamong “patabaing biik” sa kanyang bahay.
Read: Pokwang replies to "iba yong glow mo ngayon" comment: "Wala na akong patabaing biik."