Naglabas muli ng himutok si Pokwang tungkol sa ex-partner na si Lee O’Brian.
Never daw kasi siyang ipinagtanggol nito sa mga nanglalait sa kanya tuwing nagpu-post si Lee sa Instagram ng larawan nilang magkasama.
Kung anu-ano raw masasakit na salita at panunukso ang ibinabato ng bashers kay Pokwang, katulad ng “unggoy” at “chonggo,” at kung bakit daw siya nagustuhan ng American actor.
Ibinunyag ito ng TiktoClock host sa Instagram ngayong araw, March 9, 2023.
Nag-upload si Pokwang ng Instagram Reels kung saan makikitang kasama niya ang panganay na anak na si Mae Subong sa loob ng kanilang sasakyan habang tumatakbo.
Makikitang nagkakantahan ang mag-ina sa loob.
Caption ni Pokwang, “ma kwento ko lang, naalala ko madalas akong na bu bully sa IG nya ni alam nyo na….
“kapag nag po post sya ng picture namin dalawa madalas ako binu bully tinatawag akong unggoy, chonggo
“ano daw nagustuhan sakin marami daw magagandang pinay bakit ako daw haahahaa
“ni minsan hindi ako pinaglaban ng lolo nyo pero ok lang kasi pinaglalaban ko naman sya sa lahat ng ayaw sa kanya
“ni minsan kahit isang beses di ako pinagtanggol sa mga nanglalait haaayyy ganon yata talaga pero atleast magaganda mga anak ko”
View this post on Instagram
Nakakuha naman ng kakampi si Pokwang mula kina Sugar Mercado at Kakai Bautista.
Komento ni Sugar, “mamang maganda tayo kaya maganda mga anak natin sorry lang sila paano pa si LORD satin diba kaya tayo pinag pala dahil sa anak”
Heart emojis ang sagot ng komedyana kay Sugar.
Ayon naman kay Kakai, “HELLO MAGANDA KA MAMANG!!!!!!! MISERABLE yung mga TAONG NAGSASABE NA HINDEEEEE!!!!!! Labyuh!!! @itspokwang27”
Sinagot din niya ng heart emojis.
Ilang araw at linggo nang binabanatan ni Pokwang ang ex-boyfriend matapos makumpirma ang kanilang hiwalayan noong July 2022.
Read: Pokwang breaks silence on breakup with Lee O'Brian
RELATED STORIES:
- Pokwang bonds with daughter Malia; throws shade at Lee O'Brian anew
- Pokwang not done yet with tirades against Lee O’Brian: "Wala syang katahimikan!"
- Pokwang reveals she wants to change daughter's surname; calls ex-partner Lee O’Brian "user"
- Pokwang replies to "iba yong glow mo ngayon" comment: "Wala na akong patabaing biik."
- Pokwang to find peace when ex-partner Lee O’Brian leaves the Philippines