Ipinakilala si Abby Viduya sa Regal movie na Guwapings: The First Adventure (1992) na pinagbidahan nina Jomari Yllana, Mark Anthony Fernandez, at Eric Fructuoso.
Naging magkasintahan sina Abby at Jomari, pero hindi nagtagal ang kanilang relasyon.
Ni-rebrand si Abby ng Seiko Films bilang Priscilla Almeda sa ST film na Sariwa (1996) katambal sina Romnick Sarmenta at Leandro Baldemor.
Nagpahinga siya eventually sa showbiz, nangibang-bansa, nagkapamilya, nakipaghiwalay sa asawa, umuwi ng Pilipinas, nakipagbalikan kay Jomari, at nagbalik-artista bilang Abby Viduya.
Read: Priscilla Almeda, nagbabalik-showbiz at gustong maging kontrabida a la Dimples Romana
Balak nina Abby at Jomari na mag-civil wedding sa Hunyo sa Amerika.
Next year pa ang church wedding nila sa Our Lady of Peñafrancia Shrine sa Naga City, Camarines Sur.
Read: Jomari Yllana asks for Abby Viduya's hand in marriage through pamamanhikan
Pursigido si Abby na magpapayat para sa church wedding nila. E, si Jomari, magbabawas din ba ng timbang? Ganado at sarap na sarap si Jom sa mga luto ni Abby!
“Yun ang ano namin, ang hobby namin ni Jom is we like to eat, we love to eat,” sambit ni Abby sa Philippine Entertainment Portal (PEP.ph) habang break sa rehearsal ng senakulong Kalbaryo ni Kristo noong Marso 28, Martes, sa Brgy. Tambo, Parañaque City.
Noong hindi pa sila nagkakabalikan ni Jomari, naramdaman ba nila pareho na may hinahanap sila, na parang may kulang sa kani-kanyang buhay?
“Hindi naman masasabi na may hinahanap. It was just… siguro yung communication namin ni Jom was just at the right time,” pagmamatuwid ni Abby.
“Na we both just got out of a failed relationship.”
Noong umuwi siya sa Pilipinas bago magpandemya, naisip ba niyang magkakabalikan pala sila ni Jomari?
Paglilinaw ni Abby: “Actually, nasa Canada pa lang ako, may communication na kami. I came home here, sinundo niya ako sa airport.
“And we lived in right away. Yun yon. Actually, siya ang nagpauwi sa akin dito. That’s the real story.
“Usapan namin, I’ll come back home, live in na kami. We’ll try.
"Kasi, all of our relationships in the past have failed. I-try naman namin na kami.”
Read: Jomari Yllana on fiancé Abby Viduya: "Ito po yung babae na gusto kong makasama habambuhay."
LIVE-IN SETUP
And then the pandemic happened. Wala silang choice kundi manatiling magka-live in.
Pag-ayon ni Abby, “Wala kaming choice! Wala talaga kaming choice. Kami lang dalawa. Ayun.”
Nag-live in ba sila before?
“Ay, hindi! We were just 16 years old noon. Hindi, hindi.”
Kakaiba siyempre ang experience nila as pandemic lovers, na mature na sila, mas nakilala ang isa’t isa.
Napatango si Abby, “The nice thing about pandemic is… you’re with the person 24/7. Anything you want to know…
“And the nice thing is, lahat ng perks namin, bumagay, e. Bumagay yung mga perks namin pero may time, siyempre, may mga tampuhan. May ano.”
Pero wala silang choice! Sila pa rin ang magkasama!
“Wala kaming choice. Saan ka pupunta, di ba?”
So, blessing-in-disguise ang pandemic sa kanilang relasyon? Wala silang choice but to stick together.
“I came home nung October 2019. And then the community quarantine happened March of 2020. Nakakaloka yun, no?” natatawang sabi ni Abby.
“Akala namin nga, e, parang magugunaw na ang mundo, e. That’s what Jom keeps thinking.
“So we lived every day to the fullest, yun.”
Read: Jomari Yllana considers girlfriend Abby Viduya his lucky charm
NO REGRETS
May regrets ba siya sa kanyang showbiz career? May pinagsisihan ba siya sa mga ginawa niya?
“No, no. Ako naman, I’m the type of person that doesn’t regret anything because whatever happens in life, ano yun, e… ahhmm, it’s the things that make you grow,” pananalig ni Abby.
“All the past mistakes that you’ve done before, or all the good that happened in your life, those are the things that make you grow into the person you are now.
“So ako, I don’t believe in regrets.”
Noong first time na mag-pictorial si Abby na naka-one -iece swimsuit, napaiyak siya. Para iyon sa Regal movie na Guwapings: The First Adventure.
Ang namahala sa pictorial ay ang namayapang direktor na si Joey Gosiengfiao, na in-charge noon sa promo and publicity ng Regal.
Natawa si Abby, “Ha! Ha! Ha! Ha! Actually the funny thing is, when I was young, very conservative ako. Hindi nga ako nagso-short, e.
“Naalala ko yun. I didn’t want to wear bathing suit. You wanna the real reason why? I haven’t blossomed yet.
“Umiiyak ako kasi in my mind, ‘I’m not gonna look good in a bathing suit! Di ba? Wala pa akong… right? Ha! Ha! Ha!”
Panggulat iyong “pamumukadkad” niya sa Seiko Films, at ngayon ay panggulat na naman ang pagganap niya bilang Mama Mary sa senakulo.
“Things I do, ‘no?” napangiting sambit ni Abby.
Noong iwan na niya ang pagpapa-sexy sa showbiz, kumusta ang kabanatang iyon ng buhay niya?
“There came a point na I wanted to live a normal life, right?” mabining pagbuntong-hininga ni Abby.
“So I left the country. I travelled. I travelled a lot and then, ahhmm… wala, ayun. I came back here for a bit, then I went abroad again. And lived my life.”
ABBY AS VIGIN MARY
Gaganap si Abby bilang Virgin Mary sa senakulong Kalbaryo ni Kristo
“I actually like what I’m doing,” lahad ni Abby.
“Ahhmm, I haven’t been doing much TV or movie work which is my choice, right? Kasi magpapapayat ako. Ha! Ha! Ha!
“But this one, it’s so different, e. Kakaiba ito. First ever acting ko ito sa Senakulo. First ever.
“And happy ako sa outcome ng pag-characterize ko kay Mama Mary.”
Read: Abby Viduya explains why she's playing Virgin Mary, not Mary Magdalene, in her first Senakulo
Napanood ni Abby ang pelikulang The Passion of The Christ (2004) na pinagbidahan ni Jim Caviezel, sa direksiyon ni Mel Gibson.
“Itong past na mga senakulo, pinanood ko para may idea ako. Iyong dating Mama Mary is also here,” sabi ni Abby.
“Gina-guide naman nila ako kung ano ang kailangang gawin. Yung mga blocking ko.”
Itatanghal ang senakulong Kalbaryo ni Kristo sa Abril 7, Biyernes Santo, sa St. Joseph Parish, Brgy. Tambo, Parañaque City.
Ang direktor ng senakulo ay si Darryl Dimaano.
Kabilang sa co-actors ni Abby sina John Phillip Calderon bilang Hesus, Jonjon Galvez bilang Centurion, Jeff Encallado bilang Gobernador, Jeff Penilla bilang Saserdote, Girlie Panga bilang Woman of Jerusalem, at Yahra Gaudite bilang Child of Jerusalem.
Abby with Jonjon Galvez as centurion and Jett Encallado as gobernador
(L-R) Jeff Penilla as Saserdote, Girlie Panga as Woman of Jerusalem, Abby, and Yahra Gaudite as child of Jerusalem