Sa kabila ng dinanas na bashing, pinili ni Sunshine Cruz at mga anak na sulitin ang kanilang bakasyon sa Bali, Indonesia.
Kasalukuyang nasa Bali si Sunshine kasama ang mga dalagang anak na sina Sam, Angelina, at Chesca para magbakasyon.
Kabilang din sa kanilang bakasyon sina Ruffa Gutierrez at mga anak, Raymond Gutierrez, Bubbles Paraiso, at iba pang mga kaibigan.
Ngunit pansamantalang nabalahaw ang masaya nilang bakasyon nang madawit ang kanilang pamilya at grupo sa kumalat na “CELEBRITY FAMILY is flying and our seats were given to them” post ng isang netizen noong April 3, 2023.
Read: Sunshine Cruz denies her group caused bumping of other Bali-bound passengers from business class
Ikinagulat ni Sunshine ang akusasyon matapos siyang tanungin ng ilang netizens kung ang grupo ba nila ang dahilan kung bakit na-bump off diumano ang isang grupo papuntang Bali sa kanilang business class seats.
Read: Sunshine Cruz calls out Bali-bound netizen who ranted about being bumped off from business class
Kagabi, April 6, 2023, Huwebes Santo, sandaling nakatalamitam ng PEP.ph (Philippine Entertainment Portal) si Sunshine sa pamamagitan ng private messaging sa Facebook.
Dito ay sinabi niyang nagtataka siya kung paano nadamay ang pangalan niya sa walang basehang post gayong naka-economy class seats lamang sila ng mga anak.
Parang hindi kapani-paniwala na hindi naka-business class o first class o maski premium economy sina Sunshine sa flight papuntang Denpasar, ang sentro ng Bali, gayong kayang-kaya naman siguro niya ang presyo nito.
Saad niyang natatawa: “Yes! Economy lang kami. Practical talaga ako.”
Paliwanag pa ng aktres, mas nanaisin niyang gumastos sa mga masasarap na pagkain abroad at pagbili ng mga pasalubong at souvenirs kaysa bumili ng mamahaling ticket sa short flights.
Giit ni Sunshine, “Yes! Matipid ako. Pinaghihirapan ko ang money.
"Hindi pinupulot kaya I spent it wisely. I’d rather spend my money for good food and souvenirs namin ng mga bata kesa mag-business class especially kung short flights lang.
"Kaya nga di totoo na nag-business class ako/kami sa Bali dahil walang issue sa amin ang mag-economy.”
Binura na ng netizen ang kanyang post dahil natuloy pa rin ang grupo nila sa Bali na hindi na-bump off sa kanilang original business class seats.