Masigabo ang palakpakan kay Mikoy Morales sa gala night ng Dicktalk noong Abril 15, 2023, Sabado, sa Carlos P. Romulo Auditorium ng RCBC Plaza, Ayala Avenue, Makati City.
Nakaw-eksena si Mikoy bilang effeminate nurse na si Cecile de Jesus, kumpara sa co-actors na sina Jake Cuenca, Gold Aceron, Archi Adamos, at Nil Nodalo.
“Sa totoo lang, hindi pa pumapasok lahat ngayon yan sa akin! Basta ako, masaya ako na sa tagal naming nire-rehearse ito, ngayon nagagawa na namin ito sa harap ng mga tao,” lahad ni Mikoy.
“So that’s something. It’s really something for the magic happens, di ba, pag may audience na.”
Kabogero ang "pandi-dick-dick" ni Cecile sa dusk pink!
FROM SUPPORTING ROLES IN TV TO LEAD ROLE ON STAGE
Sa TV ay relegated si Mikoy sa supporting roles. Pero sa Dicktalk, bidang-bida siya at suportado ng National Artist na si Ricky Lee, pati ni Paolo Contis.
Anong pakiramdam niya sa ganoong sitwasyon ng career niya?
“Nagulat ako, pumunta si Sir Ricky! Ha! Ha! Ha! Nakakakilig tapos kanina, nung bago mag-start, in-acknowledge pa siya!” bulalas ni Mikoy.
“Kinabahan ako lalo! Oh my God! Ha! Ha! Ha! Ha! Ha! Si Kuya Pao, friend niya yung mga producers namin… May pinagsamahan din naman talaga kami sa Bubble Gang and all.
“And malaking bagay na nandiyan siya to support as my senior. I’ve always felt naman na I’ve always been like under his wing and all.
“Iba rin naman talaga kasi yung Paolo Contis, di ba?! P*t@ng *n@! Kaya iba yung kilig pag nandiyan siya talaga para pumunta at suportahan ka. Napakalaking bagay nun!
“Doon sa tanong mo kanina, feeling ko naman like every… sa ngayon naman kasi, feeling ko, I already choose the roles kahit sa TV that I do.
“To the point na kahit ano pa yan, kahit anong eksena, kahit anong role basta OK at interesting, nakakabuhay ng damdamin, di ba?
“Just like this. Just like this! Siguro ngayon lang kasi, iba yung magic pag nasa stage ka talaga. Tapos andun yung tao na firsthand nilang nakikita ang ginagawa.
“Na may ganung connection, di ba? Unlike kapag TV or film, it’s different din, e. Mas delayed yung reaction dahil makikita nila sa premiere night, di ba, or sa TV na.
“Pero ito, I think mas immediate. Mas immediate yung connection. I think that’s the magic of theater.”
Ramdam niya ang reaksiyon ng mga tao, lalo na sa mga wagas na hanash ni Cecile.
“Oo! Oo! Iba yun! Parang interchanging yun na… nararamdaman ko sila, at kung nararamdaman nila ako, mararamdaman ko ulit yun,” saad ni Mikoy.
“That makes the performance, I think.”
MIKOY MORALES, THE THEATER ACTOR
Gumanap noon si Mikoy na mad scientist sa dulang Kung Paano Ako Naging Leading Lady na ipinalabas sa PETA at Greenbelt.
Nakapag-Virgin Lab Fest din siya sa CCP, sa dulang Hapag Kainan na idinirek ni Chris Martinez. Hindi matiyak ni Mikoy kung noong 2016 o 2017 iyon.
“That was the last time I did theater. E, doon kasi, magkakasunod yun. I make it a point na every year, at least may isa akong theater production,” sambit ng Kapuso actor.
“E, nag-pandemic! Ewan ko, like, things happened in my personal life. But now, thanks to V-Roll and Sir Eboy [Vinarao], di ba, nagkaroon ako ng tsansa na para talagang…
“Sige! Theater na ulit! Na-miss ko to, na-miss ko ang entablado. Ay! Hindi! Nung anniversary ng Bubble Gang, nag-musical din kami nun, e. Nag-Cebu pa kami nun.
“Yun pala ang huli kong theater.”
Hindi na maisa-isa ni Mikoy ang mga musical ang napanood niya, pero ang isa sa tumatak talaga sa kanya ay ang The Greatest Showman.
“To the point na yung playlist ko pag nagwo-workout, yun pa rin. Tapos palaging nagwo-workout ako, naiiyak-iyak ako,” natatawang pagsisiwalat ni Mikoy.
“Dahil sa p*t@ng *n@ng playlist na Greatest Showman na yan! It’s one of the best. One of the best top-tier musicals na I wish to see live and I wish to be part of kung may adaptation. Yun, yun.”
DREAM ROLES
Ano pa bang role ang gusto niyang gampanan?
“Hindi ko alam. Sa ngayon kasi, ang utak ko, nandito lang talaga sa role na ito. Kasi I’m really basking in it,” pagtatapat ni Mikoy.
“Because to be honest, like… hindi ito exagg, huh, alam kong madalas sinasabi ito sa mga presscon at sa mga ganun…
“Pero literal, like way back when I was thinking of dream roles, this is almost exactly what I wanted to do!
“So ngayon na dumating siya, parang ako, ‘Hindi, gago! Like, I’m gonna milk this shit! I’m gonna milk this shit!’
“Kasi, like once in a lifetime ay dumating na parang materyal na ang tagal ko nang gustong gawin! Ang tagal ko na!
“Like, it’s in line with my advocacy, it’s in line with the approach and with the team, and the people behind it, all my friends, di ba? I’m working with my friends!
“So, parang ako, nandito lang ako ngayon. Like, pag-usapan na lang ulit natin iyan kapag tapos na itong show na ito, o hindi na ito magre-rerun or hopefully, or whatever.”
Specifically, anong advocacy ang tinutukoy niya?
“With sexuality, with stereotypes, breaking norms, di ba? Na parang if you… ewan ko, but siguro…
“Like, most of the articles — sounds condescending, sounds like I’m bragging — but really like… review-hin niyo lahat ng mga pinagsasabi ko tungkol sa sexuality, like way back, even way back before.
“Like, I was doing LGBT roles, ever since I started in Pepito Manaloto and Four Days, lagi ako na parang, ‘Love is love!’ ‘Break norms!’
“You don’t have to box people based on how they act, and their preferences. They’re not aligned. Magkaiba yun, yung identity na yun and stuff like that.”
MIKOY MORALES AS CECILE
Malaki ba ang ambag niya sa paghubog ng karakter ni Cecile?
“I would say it was really a collaboration. Like, also basing from firsthand experience, merong mga napasok din ako dun na mga siguro nakatulong,” pag-amin ni Mikoy.
“But the writer overall did the… the flow of the script overall was already fluid to begin with. Parang andun na talaga siya, e, na it was easy to get into.
“Kasi parang it was very well thought of, na parang hindi lang siya basta, ‘O, monologue. Eto yung mga advocacies, eto yung mga gusto nating sabihin.’
“It wasn’t preachy. Tapos parang napasok pa yung comedy and all, tapos may drama. So the flow of it entirely before we even had our inputs is already fluid.
“Kasi andun na yung parang… natural na siya, e. So, pag pinasok mo siya, makuha lang yung karakter, tapos si Direk Phil [Noble] pa, nakailang-one-on one kami.
“And then with the whole journey, the whole process, it was just suwabe. Like suwabe! Suwabe!”
May mga pagtatanghal pa ng Dicktalk — Abril 20 at 21 ng 8:00 p.m., Abril 23 ng 3:00 p.m. at 8:00 p.m. Available ang tickets sa Ticketworld.
Ang Dicktalk ay prinodyus ng V-Roll Media Ventures, katuwang ang Trifecta Brand Lab, Marikit Artist Management, at CMB Film Services, Inc.