Bihira mang magkakasama sa mga pagtitipon, sinisiguro nina Sunshine Cruz at Kath Angeles na napapanatili nila ang kanilang magandang pagkakaibigan.
Si Sunshine ay ex-wife ni Cesar Montano, na current partner ni Kath.
Sa Instagram ngayong araw, April 20, 2023, nag-post si Sunshine ng kanyang bagong selfie.
Saad niya sa caption, “sometimes it's the smallest decisions that can change your life forever.” [smiling face with hearts, two hearts emojis]”
View this post on Instagram
Isa sa mga unang nagkomento rito ay si Kath.
Papuri niya kay Sunshine: “Ganda mo!! Fresh na fresh [smiling face with hearts emoji]”
Tugon ng singer-actress: “@maarriiaaa05 aw thanks Kath. Miss na daw kayo ng mga girls! [heart emoji]”
Ang tinutukoy ni Sunshine na "mga girls" ay ang tatlo niyang anak kay Cesar: sina Angelina, Sam, at Chesca.
May tatlo ding anak si Kath kay Cesar: sina Samuel, Liam, at Kristen
Sagot ni Kath kay Sunshine: “@sunshinecruz718 oo nga, miss na din namin sila, lagi sila tinatanong ng kids. Hope to see you all soon @angelinaisabele @samcruzm @chesca.montano [heart emoji]”
Malinaw na patuloy na pinapanday nina Sunshine at Kath ang kanilang pagkakaibigan mula nang umusbong ang kanilang “blended family” noong nakaraang taon, 2022.
Katunayan, bukas sa publiko ang pagpapalitan nila ng magagandang mensahe sa isa’t isa sa social media.
Read: Sunshine Cruz thanks everyone for appreciating her “blended” family: “Oras na kalimutan ang past.”
Sa Instagram noong January 20, 2023, nag-late post si Kath ng mga larawan ng selebrasyon nila ng Bagong Taon.
Sa unang larawan kung saan kasama niya sina Sunshine, Cesar, at ang mga anak nila, nilagyan niya ito ng caption na “Peaceful and Healthy 2023!!!”
Nagkomento rito si Sunshine.
Aniya, “Thanks for everything Kath. God bless you always. [heart emojis]”
Pati na ang tatlong anak ng aktres na sina Sam, Angelina, at Chesca.
Read: Sunshine Cruz and Kath Angeles continue to forge friendship; strengthen blended family setup