May problema ba sa love team nina David Chua at Devon Seron, na kilala rin sa tawag na ChuRon?
Napansin kasi ng ilang netizens na in-unfollow nila ang isa’t isa sa Instagram.
Upang alamin ang istorya sa likod nito, hiningan ng pahayag ng PEP.ph (Philippine Entertainment Portal) si David.
Read: David Chua reveals why he remains an “elusive” bachelor
Sa pamamagitan ng Viber messaging, nagpaabot ng kanyang paliwanag si David sa isyu kagabi, May 2, 2023.
Ayon sa actor-director, hindi naman malaking isyu ang dahilan kung bakit dumistansiya muna sila ni Devon sa isa’t isa.
Sabi niya, “Hindi naman major issue or away ang reason kung bakit kami nag-unfollow-han on Instagram.
“Bakit naman kasi ginagawan kaagad ng issue ng ibang tao, di ba? Just because you unfollowed each other, does that mean na may gulo na or something?
“Ang hirap naman nung ganung mindset. Parang napaka-unfair naman. Can’t we just be ourselves without having to explain everything to other people?”
Nagpasalamat naman siya sa fans na nag-aalala sa kanila.
Aniya, “I appreciate the concern of our fans, but I think there’s always a fine line between disclosure and privacy, and sana lang they can allow us that little privacy that we also deserve every now and then.”
Noong February 2023 lamang, sinabi ni David na hindi lang “pang-girlfriend material" si Devon kundi "pang-asawa material pa.”
Read: David Chua on Devon Seron: “Hindi lang siya pang-girlfriend material, pang-asawa material pa.”
Hindi rin naman daw apektado ang kanilang tambalan sa GoodWill ng Net25.
Sabi niya, “Thankfully, our love team is still intact, and mas maraming kaabang-abang sa darating na second season ng GoodWill! Maraming changes production-wise.
“We have a new set of writers, we shot in a totally different location, and I’m sure na magugulat at matutuwa ang aming mga followers sa mga special celebrity guests.
“Kung napansin niyo, hindi pa talaga masyado na-develop yung love team namin in season one, pero siguradong mas kikiligin kayo as our new story unfolds.”
Mapapanood ang GoodWill tuwing Linggo, 4 P.M., sa NET25 bago ang Korina Interviews ni Korina Sanchez.