Spotted na sweet na sweet sina David Chua at Devon Seron sa 1st Net25 Golf Cup sa Alabang Country Club, Alabang, Muntinlupa City, nitong nakaraang March 20, 2023.
Upang alamin kung may namamagitan na nga sila, hiningan ng PEP.ph (Philippine Entertainment Porta) ng pahayag si David tungkol dito.
Payahag niya sa pamamagitan ng Viber messaging Miyerkules ng gabi, March 22: “Devon is a great girl. Hardworking. Down to earth. Mabait. Mapagmahal sa magulang. Maganda pa. What’s not there to like?”
Ano na ba ang totoong estado ng relasyon nila ngayon?
Sa naunang panayam kay David, sinabi nitong hindi lang girlfriend material kundi pang-asawa material pa ang aktres.
Read: David Chua on Devon Seron: “Hindi lang siya pang-girlfriend material, pang-asawa material pa.”
Saad niya, “Pareho kaming seryoso pagdating sa relasyon. Dahan-dahan lang."
Dagdag ni David: "Yes, we are getting to know each other more.”
Ang huling nakarelasyon ni Devon sa showbiz ay si Kiko Estrada.
Read: Devon Seron chooses to stay single after breakup with Kiko Estrada
Si David naman ay naugnay noon kay Cristine Reyes, na nali-link naman ngayon ang aktres kay Marco Gumabao.
Read: Marco Gumabao, Cristine Reyes spotted holding hands in Makati
Samantala, masaya si David na marami siyang nakasalamuhang celebrities sa 1st Net25 Golf Cup.
Spotted din sa golf tournament sina Net25 President Ceasar Vallejos, Derek Ramsay, Korina Sanchez-Roxas, Aga Muhlach, Wilma Galvante, Alex Santos, Randy Santiago, former Senate President Tito Sotto, Vic Sotto, at former Manila Mayor Isko Moreno.
Sabi ni David tungkol sa event, “Coming from the long two-year pandemic, I could say that this is a much-awaited opportunity for all of us to finally come face to face and celebrate life and be thankful for the new opportunities."
Mensahe naman niya sa ChuRon fans nila ni Devon: “Thanks so much for watching GoodWill and I hope you continue to follow us!
"We hope you enjoy the show as much as we enjoy doing the show. Rest assured, kayo ang unang makakaalam.”
Ang GoodWill ay ang weekly show nina David at Devon na mapapanood tuwing Linggo, 4 p.m., sa Net25 bago ang Korina Interviews.