Tama raw ang hinala ni Pokwang na tila ginagamit lamang siya ng ex-partner na si Lee O’Brian para sa promotion ng pelikulang kinabibilangan nito.
“Putchung roll” pa nga ang pagsasalarawan ni Pokwang sa role ng ex-partner sa hindi niya tinukoy na pelikula. Pero malinaw na ang tinutukoy ng Kapuso comedienne ay ang Vivamax movie na Sandwich.
Sa Twitter ngayong Huwebes, May 18, 2023, sinabi ng Kapuso star na ikinagulat niya ang pagsasalita bigla ni Lee tungkol sa kanilang hiwalayan.
Naganap ang panayam ng entertainment press kay Lee sa presscon ng Sandwich noong May 10.
Read: Lee O'Brian, binasag na ang katahimikan tungkol sa isyu nila ni Pokwang
Ayon kay Pokwang, dalawang Mother’s Day ang nagdaan at maging sa kanyang kaarawan na hindi siya binati ni Lee.
Bukas daw siya sa bashers na diumano'y umaasang mabigyan ng green card.
Buong post ni Pokwang: “sabi sa inyo e may putchung roll sya sa movie kaya biglang nag greet ng happy mother’s day ang gunggong e samantalang dalawang taon na never bumati yan kahit birthday ko mangggamit talaga ang p*tah! pasok bashers na gusto ng green card mula kay kano! #HOPYAKAYO”
Komento ng isang follower, "HAHAHA gusto ko yung 'pasok bashers na gusto ng green card mula kay kano! #HOPYAKAYO'"
Sabi ni Pokwang, "totoo nman mga makatanggol parang mga hindi kapwa pinoy kaloka! asa baka magka green card bwahahaahaah"
Ibinahagi rin ito ni Pokwang sa kanyang Instagram Story.
Sa isa pa niyang Instagram Story, sinabi ni Pokwang na ang anak nila ni Lee na si Malia O'Brian ang inspirasyon niya upang lumaban sa buhay.
Sabi ng TiktoClock host, “My strength, my energy, my reason why I need to fight and survive everyday.”
Samantala, sa post naman ni Pokwang sa Instagram tungkol sa Diyos ngayong araw din, may netizen na nagsabi sa kanyang hindi maganda ang mga sinasabi ng mga tao tungkol sa kanya sa Facebook.
View this post on Instagram
Saad nito, “Stay positive. Wag mo isipin mga hndi mganda sinasabi syo ng mga Tao sa facebook. They're not on your situation”
Sagot ni Pokwang, “Ay Oo naman po hahahahaha puro mga basura ang bunganga at isipan hahahaa doon lang sila magagaling sa buhay ang mag marites at maglabas ng inggit.”
Nitong mga nakaraang araw, hindi tinantanan ni Pokwang si Lee na patuloy niyang tinatawag na “user.”
Read: Pokwang reveals she wants to change daughter's surname; calls ex-partner Lee O’Brian "user"
Pati ang mga magulang ng American actor ay kanya ring napagdiskitahan dahil wala man lang daw itong ipinapadalang “package” para sa kanilang apo.
Read: Pokwang takes a swipe at Lee O'Brian's parents for not sending "package" to Malia