Ipinagluluksa ng ABS-CBN at ABS-CBN News ang pagpanaw ng beteranong entertainment news reporter na si Mario Dumaual.
Sumakabilang buhay si Mario nitong Miyerkules ng umaga, July 5, 2023, sa edad na 64.
Halos isang buwan siyang naratay sa Philippine Heart Center matapos siyang atakehin sa puso, hanggang sa tuluyan na siyang bawian ng buhay.
Read: Veteran ABS-CBN entertainment reporter Mario Dumaual dies at 64
Sa pamamagitan ng isang press statement ngayong gabi, July 5, ipinahayag ng ABS-CBN at ng ABS-CBN News ang pakikiramay nila sa naiwang mga mahal sa buhay ni Mario.
Anila, sa mahigit tatlong dekadang pagiging bahagi ni Mario ng ABS-CBN News ay naging haligi na siya ng institusyon sa pagbabalita sa mundo ng showbiz.
Isang pagpupugay rin ang handog ng Kapamilya Network kay Mario, na inilarawan nila bilang mahusay na mamamahayag, mapagmalasakit, at mabuting kaibigan.
Narito ang kabuuan ng statement ng ABS-CBN at ABS-CBN News:
“ABS-CBN and ABS-CBN News are deeply saddened with the passing of one of our veteran reporters, Mario Dumaual.
“In the more than three decades that Mario was part of the ABS-CBN News team, he became pillar of entertainment news reporting and an esteemed mentor of his colleagues.
“An excellent and passionate journalist, a loyal and dedicated friend, a devoted family man, Mario leaves a lasting legacy to the industry.
“Thank you, and farewell to our Kapamilya, Mario Dumaual.”
Bukod sa ABS-CBN at ABS-CBN News, nagpaabot na rin ng pakikiramay ang celebrities na malapit kay Mario.
Read: Celebrities mourn the passing of ABS-CBN entertainment reporter Mario Dumaual
Maging ang mga dating kasamahan ni Mario sa ABS-CBN at mga kaibigang reporter mula sa iba't ibang istasyon.
Read: Mario Dumaual’s colleagues pay tribute to veteran entertainment reporter
Noong 1982, nang mag-umpisa ang entertainment writing career ni Mario sa Journal Group of Companies.
Nagsimula naman ang kanyang TV career bilang entertainment reporter ng ABS-CBN News noong 1987, at tumagal ito hanggang sa kanyang pagpanaw.
Read: ABS-CBN News reporter Mario Dumaual, malaki ang pasasalamat sa Kapamilya network
Sa 5th EDDYS Awards na ginanap sa Metropolitan Theater noong November 26, 2022, si Mario ang ginawaran ng Joe Quirino Award bilang pagkilala sa kanyang kontribusyon sa entertainment industry.
Kabilang din si Mario sa pinarangalan ng bituin sa Eastwood City Walk of Fame noong January 18, 2023, kaya mananatili siyang buhay sa alaala ng lahat ng mga nagmamahal at umiidolo sa kanya.