Tagumpay ang sorpresang inihanda ng Kapuso actor na si Ruru Madrid para sa girlfriend nitong si Bianca Umali.
Sa Instagram post ni Bianca nitong Miyerkules, July 5, 2023, ikinuwento niya ang ginawang effort ni Ruru upang sorpresahin siya lalo pa't matagal-tagal silang hindi nagkita.
Kalakip ng kanyang post ang litrato ni Ruru habang nasa driver seat, ang isang bouquet na bulalak na dala nito, at ang video niya habang pinipisil ng The Write One actor ang pisngi ni Bianca, na halatang na-miss ang kasintahan.
Kuwento ni Bianca, galing siyang out of town nang i-surprise siyang sunduin ni Ruru sa airport.
Read: Ruru Madrid finally admits real score with Bianca Umali: "We're dating for four years."
Maging siya ay nagulat daw sa ginawa ng Kapuso actor lalo na't alam niyang busy ito at nasa taping.
Ani Bianca sa caption (published as is), "So... this guy lied to me today and it was one of the sweetest moments of my life.
"After working far far away for how many days - I've been missing my person so bad and we weren't sure when we would see each other again because of our schedules.
"Today, he told me he had work - updating me that he arrived at his location, on set and rolling."
Para maging succesful ang kanyang sorpresa, kinasabwat pa raw ni Ruru ang personal driver ni Bianca.
"As I landed in MNL, I was expecting my driver to pick me up (shoutout to kuya leo na nag effort to act sa phone na nasa airport na daw siya and asking me kung anong bay daw ako susunduin HAHA kasabwat) but NOPE.
"Ang sumundo - MY driver sweet lover pala [heart sign emoji] kiliiigzzz a moment. I didn't think I very much needed."
Read: Ruru Madrid, sinorpresa ng girlfriend na si Bianca Umali sa South Korea
Sa huli, nagpasalamat si Bianca sa boyfried dahil kahit papaano ay napawi raw nito ang kanyang pagod.
Mensahe ni Bianca kay Ruru, "You didn't have to, but thank you @rurumadrid8 [heart sign emoji] na pawi lahat ng pagod ko. MNMK [mahal na mahal kita]!!!"
Read: Ruru Madrid says breakup with Bianca Umali made him realize she's "The One"
Agad namang itong nireplayan ni Ruru.
Sabi ng aktor sa comments section (published as is), "I missed u.... di ako mapapagod na pasayahin ka araw-araw katulad nalang ng ipinangako ko sayo [heart sign emoji]."
Read: Ruru Madrid, inaming sumagi sa isip niyang mag-propose kay Bianca Umali sa Eiffel Tower
NETIZENS REACT
Hindi naman napigilan ng ilan sa kanilang fans at kapwa celebrities ang matuwa at kiligin sa sorpresang handog ni Ruru kay Bianca.
Komento ni Mavy Legaspi, "Damn the appreciation is real. ang cute naman mga besties ko!"
"Grabeee kayo!!" sabi ni Kelvin Miranda.
Maging ang ibang Kapuso stars na sina Kris Bernal, Max Collins, Gabby Eigenmann, at Chynna Ortaleza ay nakyutan sa ginawa ni Ruru.
Naniniwala ang ilan sa kanilang fans na maaaring ganti ito ni Ruru sa ginawang pagsorpresa sa kanya noon ni Bianca sa South Korea.
Noong August 17, 2022 ay lumipad pa-South Korea si Bianca para dalawin at sorpresahin si Ruru na noo'y nagte-taping ng Running Man PH.
Read: Bianca Umali reveals Ruru Madrid cried when she surprised him in South Korea