May diretsahang patutsada ang TV host-comedian na si Joey de Leon ukol sa naging komento ng TV Patrol news anchor na si Noli de Castro sa kasalang Maine Mendoza at Arjo Atayde.
Ginanap ang kasal nina Maine at Arjo sa Baguio City noong Biyernes, July 28, 2023.
Read: Maine Mendoza and Arjo Atayde are now married
Sa closing spiels ni Noli sa TV Patrol noong July 28 ay nagkomento siya tungkol sa pagpapakasal nina Maine at Arjo sa gitna ng pananalasa ng bagyong Egay sa Baguio City.
“Kayo habang kinakasal, kawawa naman yung mga binabagyo," sabi ni Noli.
Read: Noli de Castro gets flak for comment about Maine Mendoza-Arjo Atayde wedding
Dahil dito, marami sa netizens ang hindi natuwa sa umano'y wala sa lugar na komento ng ABS-CBN news anchor.
Maging si Joey ay hindi pinalampas ang naging pahayag na ito ni Noli o mas kilala rin sa tawag na "Kabayan."
Sa kanyang post sa X (formerly known as Twitter) ngayong Lunes, July 31, may pasaring si Joey sa mga taong "ume-epal" at nagsasabi umanong hindi dapat nagpakasal sina Maine at Arjo sa kasagsagan ng bagyo.
Kalakip ng post ng E.A.T. host ay ang larawan nina Maine at Arjo sa kanilang kasal.
Mababasa sa caption ni Joey (published as is), "Sa mga kababayan nating ume-epal na hindi raw dapat nagpakasal ang dalawang ito dahil binabagyo raw ang bayan, eto lang ang masasabi ko—-naunang nagplano sina Menggay kaysa kay Egay!
"Wala silang kasalanan kundi ang unang limang letra ng “kasalanan”—-KASAL!"
Maliban sa kanyang tweet, binanggit din ito ni Joey sa noontime show nila sa TV5 na E.A.T. ngayong araw habang nagbibigay ng congratulatory message ang kanyang co-hosts na sina Vic Sotto at Tito Sotto sa bagong kasal na sina Maine at Arjo.
"Mayroong mas malala kay Egay, yung epal, kaya mag-ingat kayo," babala pa ni Joey.
@news5everywhere Tila may pasaring si #EAT host #JoeyDeLeon sa mga pumupuna sa kasal nina #MaineMendoza at #ArjoAtayde sa Baguio City. "Sa mga ume-epal na hindi raw dapat nagpakasal dahil binabagyo raw — naunang nagplano sina Menggay kaysa kay Egay!... May mas malala kay Egay, 'yung epal," banat ng TV host. Masaya namang binati ng #TVJ at #LegitDabarkads ang newlyweds. #News5 #NewsPH #EntertainmentNewsPH #TVJonTV5 #TVJMediaQuest #EgayPH ? original sound - News5
Ikinasal sina Maine at Arjo sa Alphaland Baguio Mountain Lodges Chapel, Baguio City, Benguet, noong July 28, 2023, matapos ang mahigit apat na taon nilang pagiging magkasintahan.