Nagkuwento si Alden Richards tungkol sa apat na episodes ng Magpakailanman kung saan siya ang gaganap na bida sa apat na kuwento ng tunay na buhay ng iba-ibang tao.
Lahad ni Alden, “So since month-long siya, so every Saturday po siya starting the first Saturday po ng August. And then I’ll be portraying A Runner To Remember.
"Ang role ko po dun is a runner with a condition called cervical dystonia, so dystonia po is a parang involuntary muscle movement.
“So marathon runner po siya, pero meron po siyang ganung klaseng condition, and he didn’t let that condition get in the way of, you know, fulfilling his dreams.
“Although, mahirap yun siyempre kasi parang as the story goes by, iyon yung parang naging hindrance.
“Siyempre nalungkot siya, na-depress siya, naging balakid yun sa mga gusto niyang gawin sa buhay.”
Kasama ni Alden si Sanya Lopez sa naturang episode na pinamagatang "A Runner to Remember: The Jirome de Castro Story" sa direksiyon ni Neal del Rosario.
Read:
Alden Richards message to Maine Mendoza: "Hindi ako masyadong naging vocal about this..."
Alden Richards asked how rich he is: “I am perfectly contented with money.”
Iba naman ang hamon nga magiging karakter niya sa August 12.
Sa pagpapatuloy ng Kapuso star, “Then iyong pangalawa po, dun po sa second Saturday natin is yung, we call it 'Epal Dreamboy,' iyon po yung story of an influencer,
"Very now siya kasi since social media personality siya and then medyo coming from the title itself, medyo hindi nagugustuhan ng mga tao yung mga pinapakita niya sa mga social media accounts niya, na malaki yung nagiging epekto sa kanya.
“Then again, it didn’t stop there. Hindi niya hinayaang mangyari yun, hindi niya niya hinayaang maging hindrance yun for his fulfillment ng mga gusto niya sa buhay.”
Ang "Epal Dreamboy: The Richard Licop Story" ay sa direksyon ni Irene Villamor, at kasama ni Alden dito si Lotlot de Leon.
Ang pangatlo naman ay pinamagatang “The Lost Boy,” sa direksiyon rin ni Irene.
Gaganap si Alden dito bilang isang lalaking mapapadpad sa buhay na puno ng krimen.
Tiyak na maipapakita ang “the other side” ni Alden bilang aktor.
Yung pang-apat na episode ay may kakaibang twist.
Ang kuwento ng aktor, “Then yung pang-apat po, which is the last part is, the story revolves around a family who has mental conditions.
"Then it just so happened na yung ipo-portray ko pong character, siya yung naligtas doon sa condition na yun.
"So meron mental illness ang kanyang mga magulang and kapatid, so siya yung nag-alaga.
“So surprise po kung ano yung magiging epekto niya, pero I think that will be one of my most favorite episodes, iyon yung may mental illness na family.”
Pinamagatang “Sa Puso’t Isipan: The Andrew Cantillana Story,” ito ay sa direksyon ni Gina Alajar.
Read:
Alden Richards admits he once let success go to his head
Unang pagkakataon sa Magpakailanman na iisang artista ang bibida sa isang buwang pagtatanghal ng Kapuso drama anthology hosted by Mel Tiangco.
Kaya hindi ito pinalampas ni Alden kahit na napaka-busy ng schedule niya.
“It’s very challenging kasi contrast sila sa isa’t-isa, walang similarities yung mga roles, and, I think as an actor, I’m looking for something that’s not the usual.
“Marami na rin po akong nagawang mga projects, and parang, siyempre dun tayo sa laging, yung nare-reinvent yung point of view ko pagdating po sa trabaho ko bilang aktor.
“So with this opportunity, actually nung in-offer po ito sa akin talagang I said, ‘We have to,’ kailangan ko siyang gawin kasi nakaka-miss din umarte talaga sa TV, especially.
“Tapos ang ikinaganda pa nito is hindi siya linear, hindi siya iisang istorya lang parang teleserye, di ba? So every week nagpapalit tayo ng role.
“Ganun kabilis yung transition. And na-e-enjoy ko yung journey, na parang ang laki ng naiaambag niya sa akin. Ang dami ko ring nadi-discover lately, how I switch characters.
“Kasi yung taping namin one week lang ang interval, e, so I really have to study the script and transition from one character to another in a snap of a finger.
“Pero na-e-enjoy ko siya sobra kaya thankful po ako sa buong team, of course, sa GMA, to the whole team of MPK especially to the creatives for giving me this opportunity.”
Makabuluhan rin ang sagot ni Alden nang tanungin kung ano ang mga emosyon na madarama ng manonood ng mga MPK episodes niya.
“I think Magpakailanman is a carousel of emotions!
“In totality when, you know, ganun naman siya na-package when it first aired sa television. So, ang luma kasi pag sinabi kong rollercoaster of emotions, e.
“So I’d like to say it’s really a carousel of emotions.
“The stories, hindi ka niya pag-iisipin, kumbaga while you watch the stories of these people, these inspiring people, you don’t have to think, you don’t have to be analytical.
“You don’t have to be mental about it. Parang, manonood ka lang, and then you’ll be surprised how the story will bring you to certain emotions na magugulat ka na lang, mararamdaman mo siya.
“Ganun ko kasi siya nakita when we shot it, e, and when I read the script, so nagpadala lang ako sa agos. Hindi ko kinontra yung sensation.”
Nakausap si Alden ng PEP.ph (Philippine Entertainment Portal) sa ginanap na mediacon via Zoom nitong July 21 para sa month-long special ng Magpakailanman, na magsisimula na sa August 5, 8:15 ng gabi sa GMA.
Naka-livestream din ito nang sabay sa official YouTube channel at website ng GMA Network.