Binasag na ng Filipino-Canadian basketball player na si Jon Semira ang kanyang katahimikan ukol sa napapabalitang hiwalayan nila ng aktres na si Yassi Pressman.
Samu’t saring isyu na kasi ang lumabas mula nang walang mabalitaan ang publiko ukol sa kanilang dalawa.
Inilantad ng dalawa ang kanilang relasyon sa mismong kaarawan ni Jon noong July 21, 2022, sa Amsterdam, Netherlands.
Read: Yassi Pressman goes public with her relationship to Filipino-Canadian Jon Semira
Sa Instagram ngayong umaga ng Miyerkules, August 16, 2023, kinumpirma ni Jon na hiwalay na sila ni Yassi.
Mutual decision daw nilang dalawa na tapusin na ang kanilang relasyon at magkanya-kanya na.
Nilinaw rin ni Jon na walang third party sa kanilang breakup.
Pahayag ni Jon, “After an amazing run, Yass and I have decided to part ways.
"We look to move on to our next phase in life in peace and with the support of our family and friends.
“It’s been a while since the breakup. It was a decision made from the both of us, and us only.”
Umaasa si Jon na huwag nang palakihin ang isyu dahil nais na raw nilang mag-move forward mula rito.
Dagdag niya, "We wish each other the best and will always appreciate what we had. Our relationship was beautiful and we are both coming out better people because of it.
"We ask that you let us deal with this in private as we move forward from this."
View this post on Instagram
Lumutang ang hiwalayan nina Yassi at Jon dahil sa Instagram post ng aktres kung saan ipinakita niya ang kanyang bagong tattoo na may disenyong hummingbird.
Caption niya rito, “it’s nice to be free like this hummingbird on me.”
Noong August 12, 2023, mas nakakaintriga ang entry ni Yassi sa kanyang IG na “not triple.not double.but SINGLE.”
Read: Yassi Pressman at Jon Semira, hiwalay na?
Lalo pang umingay na wala na nga sina Yassi at Jon dahil sa mga naglabasang cozy photos ng aktres kasama ang dalawang pulitiko: si Ilocos Norte Representative at presidential son Sandro Marcos at si Camarines Sur Governor Luigi Villafuerte.
Read: Yassi Pressman now being linked to politicians Sandro Marcos, Luigi Villafuerte