Itinanghal na Best Asian Feature Film/Telemovie ang 2022 rom-com movie nina Donny Pangilinan at Belle Mariano na An Inconvenient Love sa Content Asia Awards 2023.
Nakatunggali nila ang mga pelikula mula sa bansang Singapore na Silent Walls – 2023 Telemovie at Silent Walls – 1938 Telemovie, at Malaysia na Lebai Sampan at Sekolah Sampah.
Read: Binge-watch DonBelle series and movies online
Ginanap ang awards night sa Bangkok, Thailand, nitong Huwebes, August 24, 2023.
Hindi nakadalo sina Donny at Belle kaya ang head of ABS-CBN International Production na si Ruel S. Bayani ang tumanggap ng tropeyo.
Sa acceptance speech ni Ruel, inisa-isa niyang pinasalamatan ang bumunuo ng An Inconvenient Love at maging ang fans nina Donny at Belle o mas kilala sa uniname na DonBelle.
Mensahe niya, "Thank you Content Asia, the jurors. I'd like to accept this honor on behalf of our CEO and president Carlo Katigbak, Mr. Kriz Gazmen, Zel Martinez, and the men and women of ABS-CBN Films, director Petersen Vargas, and the entire team of An Inconvenient Love.
"And lastly, our lead stars Donny Pangilinan and Belle Mariano and their amazing fans from all over Asia, this is for all of you.
"Thank you, Mabuhay!"
Read: Donny Pangilinan, Belle Mariano thankful to ABS-CBN for getting big break despite shutdown
Laking tuwa at pasasalamat din nina Donny at Belle sa bagong parangal na kanilang nakamit.
Sa kani-kanilang Instagram Stories ngayong Biyernes, August 25, halos magkasunod na ipinost nina Donny at Belle ang litrato nila kalakip ang napanalunang award.
"Wahhh yay!!! Congratulations team AIL [An Inconvenient Love]," mababasang caption ni Belle.
Simpleng "Thank you" naman ang nasabi ni Donny.
Read: Star Cinema returns to cinemas with Donny Pangilinan-Belle Mariano movie
Maliban sa An Inconvenient Love, may dalawa pang shows mula sa Pilipinas ang kinilala sa Content Asia Awards 2023.
Isa na rito ang weekly game show ni Vice Ganda sa ABS-CBN na Everybody, Sing na hinirang bilang Best Asian Original Game Show.
Ang Kapuso documentary na The Atom Araullo Specials: Mata sa Dilim ay nagwagi naman bilang Best Current Affairs Programme made in Asia for International/Regional Markets.
Read: Vice Ganda draws inspiration from Asia Content Awards victory amidst latest controversy: “Hindi niyo kaya si Lord.”