Nagpakawala ng maiksi ngunit malamang post sa X (dating Twitter) ang TV host-comedian na si Vice Ganda noong Linggo, August 27, 2023.
Kasunod ito ng pagpapakilala sa kanya bilang bagong brand ambassador ng online shopping platform na Shopee.
Read: Vice Ganda admits to being impulsive buyer; reveals holiday shopping habits
Tweet ni Vice, "Nakapag reinstall na ba lahat? Happy Sunday! [orange heart emojis]."
Kumalap ito ng iba't ibang reaksiyon. May ilang netizens ang nagbigay ng interpretasyon tungkol sa makahulugang post ni Vice.
Ayon sa kanila, tila “shade” daw ito sa TV host-actress na si Toni Gonzaga, na dating brand ambassador ng nasabing shopping app.
Matatandaan noong September 2022, nag-trending sa social media ang "Bye Shopee" matapos umani ng kritisismo ang pagiging celebrity endorser ni Toni sa Shopee.
Si Toni ay masugid na tagasuporta ni Pangulong Ferdinand Marcos Jr.
Nagkaroon ng kontrobersiya ang pagkuha kay Toni bilang endorser dahil binigyan ito ng kulay-pulitika ng ilang netizens, na ibang kandidato ang sinuportahan noong nakaraang eleksyon.
Lalo pang nagpagalit sa ilang netizens ang kumalat na balitang nagtanggal o nag-retrench daw ng mga empleyado ang nabanggit na kumpanya para makuha ang serbisyo ni Toni, na tiyak daw na milyun-milyon ang talent fee.
Dahil dito, maraming netizens ang nag-uninstall umano ng nasabing shopping app.
Read: Pagkuha ng Shopee kay Toni Gonzaga bilang endorser, naging trending topic sa Twitter
NETIZENS REACT
Samantala, sa comments section ng post ni Vice ay bumuhos ang komento mula sa netizens na naniniwalang may kaugnayan ang post nito kay Toni.
Read: Toni Gonzaga: unbothered by controversies, uncowed by critics
Marami rin ang nagsabing in-install na nilang muli ang shopping app dahil hindi na si Toni ang ambassador nito.
Komento ng isang netizen, "FINALLY!!! Yes po opo Meme! Namiss ko, infernez, ang Shopee! I had been praying that this day would come! [laughing in tears emoji]."
Saad pa ng isa, "Basta wala na si Toni Gonzaga G!!!!!!! Install ko na ulit."
Sabi ng isa, "Sana may statement ang shopee na dinrop na nila as endorser si Toni Gonzaga."
Dagdag pa ng isa, "Di ako nag uninstall pero di ko rin ginamit. At least ngayon, maluwag na sa dibdib na magagamit ko Ang Shopee na wala si Toni."
Wala pang opisyal na pahayag ang Shopee o maging si Vice tungkol dito.
READ MORE:
- Vice Ganda on 'possibilities' with Michael V: "Nag-aantay lang din ako ng imbitasyon."
- Vice Ganda grateful to be unharmed after multi-car accident; appeals for help for delivery truck driver
- Vice Ganda draws inspiration from Asia Content Awards victory amidst latest controversy: “Hindi niyo kaya si Lord.”
- Vice Ganda nagkuwento sa experience sa mga Kapuso at kay Michael V.
- Vice Ganda apologizes to Janice de Belen for chicharon incident