Ipinagluluksa rin ng local showbiz industry ang pagpanaw ng beterano at award-winning radio and TV news anchor na si Mike Enriquez.
Pumanaw si Mike habang nakaratay sa intensive care unit (ICU) ng isang pribadong ospital, kahapon, August 29, 2023. Siya ay 71.
Read: Veteran broadcaster Mike Enriquez dies at 71
Ilan sa celebrities ay nagpahayag ng pakikiramay sa pamilyang naiwan ni Mike. Ang iba sa kanila ay inalala ang personal interaction nila sa yumaong broadcaster.
Read: '24 Oras' pays tribute to Mike Enriquez's 54-year broadcasting career
OGIE ALCASID
Sa kanyang panig, binalikan ni Ogie Alcasid ang pagsisimula ng kanyang singing career noong nagtatrabaho pa bilang disc jockey (DJ) sa isang FM station si Mike.
Sinuportahan daw ni Mike ang Original Pilipino Music (OPM).
“Man for others” pa nga kung ituring ni Ogie si Mike.
Mensahe ni Ogie sa Instagram, “Oh my. Bro Mike, you were an amazing human being and so helpful in countless ways.
“During the beginning of my career when you were a DJ in KC and as the manager of the station who made sure that OPM will be in the airwaves.
“Until you became the star of the GMA news broadcast, you never ceased to ask if you could help in anyway.
“You always had that relentless ‘Man For Others’ spirit that we took to heart from our days in La Salle.
“Go rest now my brother and my profuse thanks for all you have done for us. My condolences to your loved ones. [praying hands, heart emojis] animo. #ripmike”
View this post on Instagram
Read: Mel Tiangco at Vicky Morales, di napigilan ang emosyon sa pagpanaw ni Mike Enriquez
GARY VALENCIANO
Gayundin si Gary Valenciano, na baguhang singer din noong kasikatan pa ni Mike sa FM radio na sinuportahan ang kanyang karera.
Aniya, “He wasn’t only an outstanding broadcaster…but a dear friend. In the 80’s and 90’s he was a radio disk jockey (DJ) of a popular radio station 93.9 WKC.
“Baby Michael was his handle then and he always supported me to the max as he would help promote my shows.
“We had some real good talks on life as we bounced off our thoughts on our common health condition.
“Your voice, style and personality; these and so much more will be missed Mike.
“Can’t help but smile imagining how Jesus may’ve affectionately welcomed you home gently saying ‘Sir Mike Enriquez…PASOK.’
“Mula sa isang tunay na kapamilya sa isang tunay na kapuso …. love you bro [heart emoji]”
View this post on Instagram
Read: GMA Network pays tribute to veteran broadcaster Mike Enriquez
YASMIEN KURDI
Very emotional naman ang Kapuso actress na si Yasmien Kurdi.
Hindi raw niya napigilang umiyak habang nasa taping nang malaman ang balita ukol sa pagpanaw ng beteranong broadcaster.
Sobrang bait daw kasi nito at humble tuwing nakakasalubong niya sa lobby ng GMA Network.
Post ni Yasmien, “Paalam Sir Mike… Umiiyak ako dto sa taping kanina pa noong nalaman ko ang balita [crying emoji]
“Kayo ay Isa sa pinaka coolest Boss sa GMA … nakikipag fist bump ka pa sakin sa lobby… Sobrang bait at humble guy… May you Rest In Peace po [crying emoji]
“Maraming nagmamahal sa inyo. [heart emoji] #MikeEnriquez”
Read: 'TV Patrol' anchors mourn passing of '24 Oras' anchor Mike Enriquez
MARISSA SANCHEZ
Samantala, hindi raw makakalimutan ni Marissa Sanchez ang naitulong sa kanila ni Mike noong nawalan sila ng tubig.
Matagal na raw ito nangyari, pero si Mike ang tumulong sa kanila para magkatubig muli.
Sabi ni Marissa, “Di ko po kyo makakalimutan Sir Mike Enriquez. Nung nwalan kmi ng tubig nuon sa Sampaloc, it was thru kuya @michaeleagleriggs na tinulungan nyo kmi upang magkatubig!
“We were desperate at kung di dahil sanyo, wala kming tubig. Nalulungkot lng ako na d nyo natatanggap ang mga gfts ko sanyo ni kuya Eagle twing Christmas before pa nung Pandemic.”
Dahil sa naging tulong ni Mike sa kanila, hindi raw nagmintis si Marissa na magpadala ng Chrismas gift sa broadcaster. Pero hindi niya tiyak kung nakakarating sa broadcaster ang mga regalo niya. Mahirap daw kasing matiyempuhan si Mike dahil busy ito.
Aniya, “I was consistently sending you christmas tokenns yearly. Hindi lng nmn sanyo sabagay, kundi sa nakararami. Madalas hindi nmn ako na-acknowledge kung natatanggap ang mga nireregaluhan ko nung araw. Pero ok lng, past is past.
“Pero isa po kyo sa hindi mahagilap lagi nuon. Mahirap man kyo makontak nuon you were always in my thots and in my heart, hanggang sa nagbago na lht ang ihip ng hangin nung nagka Pandemya!”
Pero nagkakilala rin daw sila nang personal matapos ang pandemya.
Pagtatapos ni Marissa, “At nakontak ko na lng kyo ulit thru Tita Emmie Domingo. Then nabalitaan na lng nmin na nagkasakit kayo at ayaw nyo ng magpadalaw. Until nabasa ko na lng today sa socmed that you passed on! I wanna extend my deepest condolences to the bereaved family!”
View this post on Instagram
Wala pang detalye kung saan ang burol at kailan ang libing ng mga labi ni Mike.