Nangingilid pa rin ang luha ni Jessica Soho matapos mailibing si Mike Enriquez ngayong araw, September 3, 2023, sa Loyola Memorial Park, Marikina City.
Read: Veteran broadcaster Mike Enriquez laid to rest at Loyola Memorial Park
Personal na dinaluhan ng mga kaanak, kasamahan sa GMA Integrated News, GMA Public Affairs, GMA executives, at mga kasamahan sa DZBB ang libing ni Mike.
Bukod sa pagiging radio announcer, si Mike rin ang presidente ng RGMA Network, Inc. at naging GMA Network senior vice president at consultant for Radio Operations.
Sa panayam kay Jessica ng DZBB sa Loyola Memorial Park matapos ang libing, kita pa rin ang kalungkutan sa mukha ng Kapuso Mo, Jessica Soho host.
“Booma” pa rin ang tawag ni Jessica kay Mike, ang call sign nito na ginagamit niya sa kanilang radio communications.
Read: Bakit "Booma" ang tawag kay Mike Enriquez ng mga taga-newsroom?
Ayon sa award-winning broadcast journalist, “I’m sure, mas magiging masaya pa yung langit kasi andun sa si Booma. We will miss him. I’ll miss him always.”
Hinding-hindi rin makakalimutan ni Jessica ang ipinagmamalaki niyang siya ang naging instrumento upang makatawid si Mike sa telebisyon mula sa radyo.
Kay Mike na rin kasi mismo galing noon at sinabi nitong ang kanyang mukha daw ay hindi pang-telebisyon.
Kuwento pa ni Jessica, “I think it’s been my singular honor and privilege na nakatrabaho ko siya ng mahabang panahon.
"Marami kaming pinagsamahan at saka proud ako na ako ang naka-spot sa kanya from radio to move to TV for his career pero mahal na mahal niya ang radyo, mahal na mahal niya kayo [DZBB].”
Dagdag pa ni Jessica, radyo talaga ang number one sa puso ni Mike kahit na kilala na siya sa telebisyon.
Aniya, “Kahit nakilala siya nang husto sa TV, he never forgot radio and he always championed radio as a medium.
"So yun, proud ako na nakatrabaho ko siya at nagkaroon siya ng TV career because I helped him to get into television.”
Kahapon lamang, September 2, binalikan ni Jessica ang huling araw na masayang interaksiyon nila ni Mike.
Bahagi pa ng memorial letter ni Jessica, "It's difficult to write about Booma in the past tense.
"I will always miss him—the grumpy, peanut-chewing, coughing Booma; our hard-headed, set-in-his-ways news anchor; the Booma of that little newsroom that was so much a part of our lives.
"The newsroom will never be the same again."
Read: Jessica Soho looks back on last encounter with Mike Enriquez in memorial letter
Binawian ng buhay si Mike sa ICU ng St. Luke's Medical Center, sa Quezon City, noong August 29, 2023. Siya ay 71 taong gulang.
Read: Veteran broadcaster Mike Enriquez dies at 71
Related articles:
- Mel Tiangco speaks about Mike Enriquez's devotion to his wife Baby
- Misis ni Joey de Leon, nangakong di pababayaan ang biyuda ni Mike Enriquez
- Raffy Tima, Howie Severino recall most memorable news coverage with Mike Enriquez
- Sandra Aguinaldo, Mark Zambrano, Mariz Umali, Lyn Ching, Suzi Entrata recall fondest memories with Mike Enriquez
- Arnold Clavio, Connie Sison, Karen Davila, fellow broadcasters pay tribute to late Mike Enriquez
- Ogie Alcasid, Gary Valenciano, Yasmien Kurdi remember late broadcaster Mike Enriquez
- Jessica Soho looks back on last encounter with Mike Enriquez in memorial letter
- Sen. Jinggoy Estrada files resolution to honor Mike Enriquez's "outstanding body of work"
- Vicky Morales bursts into tears at Mike Enriquez’s wake
- ABS-CBN anchors Karen Davila, Bernadette Sembrano attend first night of GMA News anchor Mike Enriquez’s wake