Nagbigay aliw sa netizens ang iniwang komento ng TV host-comedian na si Vice Ganda sa latest Instagram picture ng award-winning actress na si Nadine Lustre.
Nitong Martes, September 19, 2023, nag-post si Nadine ng drone shot picture ng isang babae at lalaking nakahiga sa maberdeng damuhan na may swirling pattern habang magkahawak-kamay sila.
Suspetsa ng fans ni Nadine, larawan ito ng aktres kasama ang nobyo niyang si Christophe Bariou.
Read: Nadine Lustre slams netizens for accusing her boyfriend Christophe Bariou of cheating
Mababasang caption ng Deleter star (published as is), "From this life in to the next, we’re all just tryna make it through."
Walang kaabug-abog na nagkomento naman si Vice dito.
Hirit ng It's Showtime host (published as is), “Wow, parang may ieendorse kang katol soon! Chozzzz! Love [you]!”
Sinakyan naman ito ni Nadine at agad na ni-replay-an ang comment ni Vice.
Reply niya, "@praybeytbenjamin dragon kung umusok. lamok siguradong tepok."
Dahil dito, maraming netizens ang naaliw sa pagpapalitan ng komento nina Vice at Nadine.
Komento ng isang netizen, "It's giving katol matcha flavor scent hoiiiii."
Saad pa ng isa, "Kahit ata katol yung endorse ni Nadine estetik pa rin hahahahaha."
Dagdag pa ng isa, "Petition to get Nadine as Katol endorser hahaha."
Read: Nadine Lustre and ex-boyfriend James Reid spotted at Gucci event; JaDine fans react
IT'S GIVING PRENUP VIBES
Kung marami ang natuwa, mayroon din namang naintriga sa larawan at hugot ng caption ni Nadine.
Ayon sa ilang netizens, mukhang "prenup" ito sa nalalapit na kasalan nina Nadine at Christophe.
Read: Is Nadine Lustre ready to settle down with boyfriend Christophe Bariou?
Komento ng isang fan, "It's giving prenup vibes ah."
Sabi pa ng isa, "Hudyat na ata na may magpopropose na."
"OMG engage na ata sila?" dagdag pa ng isa.
Read: Nadine Lustre on pregnancy rumors about her every year: “I don’t know why, I don’t know how.”
Saad pa ng isa, "Bakit naman ganun kasi yung caption, kinakabahan kami baka engagement na ito."
"Nangangamoy kasalan na beshy ko," hirit pa ng isa.
Read: James Reid on relationship with Issa Pressman: "I’m very in love. I’m very happy."