Aminado ang actress-singer na si Nadine Lustre na hindi siya nakakaligtas sa mga kumakalat na tsismis.
Sa dami raw ng mga haka-haka tungkol sa kanya, may isa sa mga ito na hanggang ngayon ay nakatatak sa kanyang isipan.
Ito ang ibinahagi ni Nadine nang sumalang siya sa Cosmo Confession na lumabas noong March 11, 2023.
Dito, isa-isa niyang sinagot ang mga tanong na may kaugnayan sa kanyang personal na buhay.
Isa rito ang tanong na: “What is the craziest rumor you’ve heard about youself?”
Mabilis na sagot ni Nadine: “That I’m pregnant. And this happens every year.
“I don’t know why. I don’t know how.
“People just decide that I am pregnant every year. I don’t even look like it.”
Read: Nadine Lustre slams basher saying she looks "older"
Hindi naman daw itatago ni Nadine sa publiko kung sakali mang totoong buntis siya.
Aniya, “If I am pregnant though, I would happily announce it to the world. But sadly, guys, I am not pregnant.”
Diin pa niya: “I am not pregnant every year.”
NADINE’S PREGNANCY RUMORS
Sa ulat ng Philippine Entertainment Portal (PEP.ph), 2017 nagsimula ang espekulasyong nagdadalantao si Nadine sa diumano’y anak nila ng dating kasintahang si James Reid.
Nag-ugat ito nang pansamantalang hindi maging aktibo si Nadine sa showbiz.
Hinala tuloy ng netizens, nagdadalantao siya kung kaya’t hindi siya gaanong lumalabas at nagpo-post online.
Read: Nadine Lustre shrugs off pregnancy rumors: "It's funny na may mga ganung issue."
Lalo pang tumindi ang espekulasyong ito nang mag-tweet si James ng mensaheng “Today my world has changed,” na inakala ng iba ay may kaugnayan sa kundisyon ni Nadine.
Sinundan pa ito ng Instagram story ng kapatid ni James na si Lauren Reid, kung saan dinig na dinig ang pagbibiruan ng ama ni James na si Malcolm Reid at ni Nadine tungkol sa pagbubuntis diumano ng aktres.
Itinanggi ni Nadine ang isyu at pabirong sinabi na baka si James ang buntis at hindi siya.
Paliwanag ni Nadine sa panayam ng PEP.ph noong October 2017, “Naglolokohan kami, kasi nagdi-dinner kami one time, ang sabi sa akin ng daddy ni James, 'So everybody thinks you’re pregnant.'
“Sabi ko, 'Hindi ako pregnant, maybe James is pregnant.'
“Nagtatatawanan lang kami, weird lang talaga siya na issue.”
Read: Nadine Lustre and James Reid poke fun at pregnancy rumors
Nasundan pa ang espekulasyon sa kanyang pagbubuntis noong October 2019.
Ito’y matapos kumalat online ang isang litrato ni Nadine sa airport.
Papunta noon ang aktres sa Indonesia para dumalo sa event ng isa sa kanyang endorsements.
Read: Nadine Lustre claps back at bashers who said she has not moved on from James Reid
Kilala sa pagkakaroon ng flat tummy at sexy figure si Nadine kaya’t pinuna ng netizens ang bahagyang maumbok na bahagi ng tiyan niya sa naturang litrato.
Mariin naman itong pinabulaan ni Nadine nang makausap siya ng entertainment reporters.
Aniya, maging siya ay hindi rin alam kung saan nagmumula ang hindi mamatay-matay na isyung buntis siya.
Sabi niya, “Bakit? Saan kasi nanggaling?”
Kalakip nito, umapela si Nadine sa publiko na huwag paniwalaan ang kung anu-anong nababalita tungkol sa kanya kung hindi mismo sa kanya nanggaling ang impormasyon.
Read: Nadine Lustre denies pregnancy rumors
Noong April 2, 2022, na-tweet na rin ni Nadine ang tanong niya kung bakit ba taun-taon ay hinihinala ng tao na buntis siya.
Sa ngayon ay masaya si Nadine sa piling ng kanyang nobyong si Christophe Bariou.
Read more: