Maraming netizens ang nakakapansing mas lalong gumanda si Pokwang mula nang maghiwalay sila ng kanyang ex-partner na si Lee O’Brian.
Tila mas naalagaan daw ni Pokwang ang sarili ngayong wala na sa kanyang buhay ang tinagurian niyang “palamunin” noon.
Read: Pokwang on ex-partner Lee O’Brian: “Anim na taon ko na pala siya palamunin.”
Sa Instagram nitong nakaraang September 17, 2023, nagbahagi si Pokwang ng isang short reel.
Tanong niya sa kanyang followers, saan may magandang inuman na maaari niyang rampahan dahil maganda umano ang kanyang awra nang sandaling iyon.
Aniya, “saan masarap mag nomu? yung makakarampa ako ha sayang ang awra kez!!!!”
View this post on Instagram
Nagkomento rito ang isang follower na wala mang pagbanggit sa pangalan ng ex-partner ni Pokwang na si Lee ay malinaw na ito ang kanyang tinutukoy.
Sabi ng netizen, “Jusmiyo ms pokie baka d makapag pigil yung isa sa alindog mo manyakin ka nun [laughing in tears emoji] grabi sumosobra na ang kaalindogan mo sana all [laughing in tears emoji]”
Pabirong sagot ni Pokwang, hindi na siya kumakain ng mga isinuka na niya. Lalo na raw yung nagalaw na ng ibang babae sa mga mumurahing club.
Buong komento ni Pokwang, “Again di ako kumakain ng sinuka kona at dinilaan na ng mga pokpok sa bgc at mga club na chippangga hahahhaahhaa”
In-edit ng nagkomento ang kanyang naunang mahabang sinabi.
Mababasa rito ang mga ganitong salita: “miss pokie wag ganyan baka ma inlove sayo uli”
In-edit din ni Pokwang ang kanyang komento.
Sabi niya, “eeewww kadiri wag na uy! dinilaan na sya ng mga pokpok sa makati at bgc hahhahaha”
Sa story conference ng bago niyang pelikulang Slay Zone nitong nakaraang linggo, sinagot ni Pokwang ang tanong tungkol sa laki ng iginanda niya. Ganyan ba ang bitter-bitter-an?
Pabirong sagot niya, “Kung ganito kaganda ang bitter, siguro mas gusto kong maging bitter na lang.”
Dagdag pa ng Kapuso comedienne-TV host, “Kesa naman magmumukmok ako huhuhu! Huhuhuhu! Tapos makikita ka niya, losyang na losyang ka. Maging masaya siya lalo.
“Kailangan, 'Maglaway ka! Dami kong trabaho, beh!'"