Iginiit ng British-Thai entrepreneur na si Tim Connor na hindi niya tatalikuran ang malapit na kaibigang si Maggie Wilson sa gitna ng mga kinakaharap nitong banta sa buhay at court cases.
Sa Instagram kahapon, September 24, 2023, ibinahagi ni Tim ang larawan nila ni Maggie na nasa isang event sa Kuala Lumpur, Malaysia.
Sa caption ay inihayag ni Tim ang pagsuporta niya kay Maggie dahil ito lamang daw ang hindi tumalikod sa kanya noong pakiramdam niya ay tinalikuran na siya ng buong mundo.
Saad ni Tim, “Despite threats, court cases, and testing times many ask me why I stand by her?
“My simple answer is; that I remember what it was like to be at rock bottom (lying in my bed staring at the ceiling), from people who would call me daily when I was up top to never returning my calls when I was at the bottom.
“It doesn't matter now what I have or who I become, I will always be the same person with everything or nothing.”
Ayon pa kay Tim, kahit maghiwalay sila ng landas at malagpasan na ni Maggie ang lahat ng pagsubok sa buhay ay wala raw ito kailangang tanawing utang na loob sa kanya.
Ang kailangan lang daw ipangako sa kanya ni Maggie ay aalagaan nitong mabuti ang anak nito sa estranged husband na si Victor Consunji, si Connor
“If we went our own ways tomorrow when she's on her feet again she owes me nothing apart from her promise that her son Connor gets all the care he needs after going through such a challenging time."
Makahulugang sabi pa ni tim, “I'm no hero. Tragedy humbles you.”
View this post on Instagram
Nahaharap sina Tim at Maggie sa adultery case na isinampa ni Victor laban sa kanila.
June 30, 2022 nang makasuhan sina Maggie at Tim ng kasong adultery sa Taguig Regional Trial Court.
Read: Maggie Wilson, Tim Connor sinampahan ng kasong adultery ni Victor Consunji
Ibinasura ng Department of Justice (DOJ) ang apela ng dalawa sa kaso.
Ayon sa resolusyon ng DOJ, na may petsang August 18, 2023, nabigo sina Tim at Maggie sa pagsumite ng bagong ebidensiya para i-reverse ang kaso laban sa kanila.
Mas mabuting sa full-blown trial na lamang daw ilatag nina Tim at Maggie ang kanilang mga argumento dahil doon mas mapagdedesisyunan kung may merit ang mga ito.
Base sa latest court document na ipinakita ni Maggie sa Instagram, naghain sila ni Tim ng "petition for review" sa DOJ noong November 21, 2022, pero ibinasura ito noong March 6, 2023.
March 30, 2023 nang maghain muli ng motion for reconsideration sina Maggie at Tim, na hindi pa rin pinayagan ng DOJ.
Read: Maggie Wilson accuses estranged husband Victor Consunji of fathering a child with another woman