Abala sina Sarah Geronimo, 35, at asawang si Matteo Guidicelli, 33, sa kani-kanilang mga karera sa buhay.
Ang ibang oras nila ay inilalaan ng mag-asawa sa kanilang mga negosyo.
Handa na ba silang bumuo ng sariling pamilya sa pamamagitan ng pagkakaroon ng baby?
Nakangiting tugon ni Matteo, “Sana, sana ipag-pray niyo, sana Dragon baby.”
Ang tinutukoy ni Matteo na “Dragon baby” ay ang taong ito, 2023, na Year of the Dragon ayon sa Chinese Horoscope.
Nakangiti ring dagdag ni Sarah, “God’s will.”
Pero, ready na ba si Sarah na maging ina?
Humalakhak muna ang singer-actress bago ito sumagot, “Ready is such a big word!”
Hindi naman nila inaawat na makabuo ng anak?
Sabi ng Unang Hirit co-host, “Hindi naman. Hindi naman. In God’s time, in God’s time.”
Maraming fans ang naalarma dahil sa pagkansela ni Sarah sa dapat sana'y concert nila ni Bamboo sa SMX Convention Center Clark sa Pampanga, noong October 1.
Sa halip ay sa October 29 na ito itutuloy.
Ayon sa anunsiyo, medical reasons ang dahilan sa kanselasyon.
Sabi ni Sarah, “Oo nga, e, medyo nagkulang lang po ng preparations vocally, physically, so medyo it took a toll sa vocal cords.
"Kasi pag kasama mo talaga si Bamboo, all out ka talaga, e.”
Bukod sa mga nag-alalang fans, may ilan ding naghaka-hakang buntis na si Sarah.
“Sana, sana,” sambit ni Sarah.
Tatlong taon na mula nang ikinasal sina Sarah at Matteo noong February 21, 2020.
Read: Sarah Geronimo, Matteo Guidicelli are now married; Matteo allegedly punched Sarah's bodyguard
Nakausap ng PEP.ph (Philippine Entertainment Portal) at ilang piling media sina Sarah at Matteo sa grand opening ng kanilang bagong tayong negosyo, ang G Studios, sa Landers Supermarket, Daang Hari, Las Piñas City, kahapon, October 8, 2023.
THE G STUDIOS
Isang building na masasabi ang three-storey studio nina Matteo at Sarah.
Ang "G" sa Studios ay puwede umanong "Geronimo" o "Guidicelli."
Ayon sa Popstar Royalty, “Our dream, our vision has come to life, maraming salamat po.
“Of course, ang asawa ko, malakas ang manifestation niyan, e. Nag-umpisa lang po yan sa mga shoot na ginawa namin during the lockdown.
“And then, nagkatotoo na nga. Sabi ko, ‘Love, magaling ka sa ano, ah, sa lighting, sa pagkuha ng mga shots, puwede kang maging director.’”
Kaninong plano magpatayo ng studio?
Sagot ni Sarah, “Parang biruan lang po before, e. Pero ano, e, malaki ang potensiyal ng asawa ko.”
Dagdag ni Matteo, “It was all, kumbaga, laru-laro lamang ba during the pandemic.
“So we started G Productions that produces Sarah’s concert also, together with Viva.
“We decided to do a physical studio kasi wala pang studio dito sa South.
“The studio, we named it as your creative space in the south, collaborations with different artists, exploring different artists, and nurturing different artists, kumbaga.
“We can do a TVC, your photo shoots, your dinners, your parties, yung vlog niyo, anniversaries, dance class, zumba. Nagtuturo po akong dance class once a week dito.”
Sasabak ba si Matteo sa directing?
Sagot ng Kapuso actor-host, “Aside from being on-cam, we want to be active also off-cam kumbaga.
“To also help other artists, give a venue to other artists, explore their talents, and give them a venue to create their content, kumbaga.
“This is really a larger venue that people can create their content.”
Ang tatlong palapag na G Studios ay mayroong malaking main hall, ilang dressing rooms, podcast room, at iba pa.