Nasa The Special Gift si Soliman Cruz bilang lolo ng baguhan na si Angelo Gomez.
Kumusta kaeksena ang beterano at mahusay na character actor?
Sabi niya, “Nakaka-intimidate po, siyempre, kasi magaling na artista yun, e. Pero mabait naman po siya.
"Mabait si Sir Sol at medyo strict pagdating sa acting, kapag nandun ka na sa set talagang in character na, wala munang tawanan.”
ON SHOWBIZ CAREER, STUDIES, AND CRUSH
Sino ang showbiz crush ni Angelo?
Mabilis niyang sagot, “Si Julia Barretto. Ang ganda, e, ang galing pang umarte.”
Sinong artista ang gusto niyang makatrabaho bukod kay Julia?
Pahabol niya, “Marian Rivera, ang galing umarte ni Marian. Sa lalake, si Jericho Rosales.”
Read:
Jericho Rosales reacts to rumor that he and Kim Jones broke up
Bukod sa pagiging artista ay estudyante rin si Angelo.
“Opo, I’m currently an Aeronautical Engineering student po, sa WCC North Manila, sa may Caloocan po, 4th year na po ako, graduating next year,” pagmamalaki niya.
Paano niya pinagsasabay ang pag-aartista at pag-aaral?
Ani Angelo, “Bale yung time ko po inaayos ko, and kapag sumabay siya sa studies, siyempre, ang priority pa din po is yung studies, priority ko pa rin po yun.”
ON FIRST MOVIE
Unang pelikula ng newbie actor na si Angelo Gomez ang The Special Gift.
“Yes po, pero technically po pangalawa na po siya, kasi may first film po ako, pero hindi pa siya tapos, hindi pa nare-release. Indie film po siya.
“It’s about a deaf na hindi niya po ma-express yung damdamin niya, and ang title po nun is Sigaw, best friend po ako nung deaf.”
Ano ang role ni Angelo sa The Special Gift?
Lahad niya, “Ako po si Arko, ako po yung kapatid ni Liam, siya yung bunso namin, ako po yung middle child.”
Bida sa pelikula ang Kapuso child actor na si Franchesco Maafi, na ginagampanan ang papel ni Liam
Tungkol saan ba ang The Special Gift?
“Tumatakbo po siya sa story ni Liam na isang special child, pero mild lang po yung pagka-special niya.
"Meron po siyang Savant Syndrome, sa kanya po umiikot yung story and then sa aming pamilya, of course.”
Ang Savant Syndrome, ayon sa National Library of Medicine ng U.S., ay isang "rare but extraordinary condition" kung saan ang mga taong may "serious mental disabilities, including autistic disorder," ay genius.
Mabait ang papel ni Angelo bilang si Arko sa pelikula.
Aniya, “Yes po, mabait, pero nagmukhang rebelde, kasi pinu-pursue ko yung gusto kong career, pero yung tatay ko, ayaw niya.”
Pinuri rin ni Angelo ang direktor ng pelikula na si Lawrence Roxas.
“Si Direk Lawrence po, mabait po si Direk, siya po yung nag-e-encourage sa akin na kaya kong umiyak, and siya rin po yung tumutulong sa akin sa bawat eksena.”
Hirap na hirap kasing umiyak itong si Angelo.
“Challenge po is yung pag-iyak, kasi hindi po talaga ako iyaking tao, e,” sabay tawa niya.
“Malalim po yung luha ko, hindi ako basta umiiyak, kaya ayun yung pinaka-challenge sa akin.”
Ano ba ang nakakapagpaiyak kay Angelo?
Pag-amin niya, “Inspiring stories po, and dun sa film, napaiyak ako kasi yung story binasa ko talaga, in-internalize ko, dun po ako naiyak.”
At bago sinimulan ang pelikula ay sumailalim sa acting workshop si Angelo kay Lawrence.
Sa mga eskuwelahan ipapalabas ang The Special Gift, pero eventually ay ipapalabas din ito sa cinemas.
Kasama rin sa The Special Gift sina Mike Lloren, Migui Moreno, Malou Canzana, Romina Cauilan, Ella Sheen, ang newbie actor na si Angelo Gomez, at ang young actor na si BJ “Tolits” Forbes.
Ang The Special Gift ay sa panulat ni Erick Castro, with Mr. Roy Gomez (ng RC Gomez Entertainment Productions) as executive producer.