Mukhang natuloy ang istorya ng pag-iibigan ng singer-actress na si Vina Morales at sa foreigner na si Andrew Kovalcin.
Sa kanyang Instagram post kahapon, November 3, 2023, nagbahagi si Vina ng short Reel kung saan makikitang namasyal ang dalawa sa Washington, D.C.
Sabi niya sa caption, “Autumn leaves and beautiful sunset at Washington D.C [smiling face, heart emoji]”
View this post on Instagram
Sa comments section, naghayag ng kilig ang maraming kaibigan ni Vina gaya nina Lindsay Custodio, Arlene Muhlach, Christina Gonzales, at Regine Tolentino.
Sa isa pa niyang post, makikitang sweet na sweet silang dalawa habang nasa isang steak restaurant.
Nakalagay sa caption, “Dinner for two! [smiley emoji]”
View this post on Instagram
Sa pamamagitan ng direct message sa Instagram, inusisa ng PEP.ph (Philippine Entertainment Portal) si Vina ukol kay Andrew, na parehong naka-tag sa dalawa niyang posts.
Sabi niya (published as is), “Siya yung last year … I met him 23 years ago in Hawaii and reunited with him last year when he visited me in Miami for my tour last year … then he visited the Philippines last year.
“He watched my Here Lies Love on Broadway in New York then I went with him to Washington DC where he is based.”
Katatapos lamang ni Vina sa Here Lies Love musical sa Broadway.
Read: Vina Morales dismisses comparison with Lea Salonga after getting plum role in 'Here Lies Love
Noong November 2022, dumalaw dito si Andrew, at nagkasama ang dalawa sa Boracay.
View this post on Instagram
Kuwento pa nga niya sa Magandang Buhay noong November 30, 2022, "Ako naman ay masaya. Inspired ako and kinikilig, tumitibok ang puso ko.
“It's been a while, I don’t know, I mean, I don't want to give so much details, but then na-post ko rin kasi sa IG ko yun na I met him 21 years ago. So yung story namin is parang teleserye din.
“I met him when I did a show in Hawaii 21 years ago, wala pa akong Ceanna."
Si Ceanna ang anak ni Vina sa estranged ex-boyfriend nitong si Cedric Lee.
Dagdag pa niya, "Tapos, we've been in touch. And then bigla na lang… I don't know itong trip ko na ito, itong tour, he watched my show in Miami.
“And then, doon na nag-start lahat, ulit. And then hindi niya ako… all the time he's always been in touch, e-mail, hindi ko lang nababasa masyado, pati sa Instagram parang ganun. But he is really a nice guy.”
Bagamat ayaw niya munang magsalita nang patapos noon, umaasa si Vina na makilala na ang lalaking inilaan ng Diyos sa kanya.
Saad niya, "I am praying. Let's see where God will lead us, bahala na. Hindi pa natin alam kung saan, basta pampapakilig okay na yun, paminsan-minsan mag-post."
Read: Vina Morales hints at new romance: “Inspired ako and kinikilig, tumitibok ang puso ko.”