Pinaalalahanan ni Xian Lim ang publiko na maging maingat sa paniniwalaang impormasyon na lumalabas sa social media, lalo na kung ito raw ay walang sapat na basehan.
Sa Instagram post ng Kapuso actor-director nitong Sabado, November 11, 2023, naglabas siya ng isang statement para depensahan ang sarili sa mga tsismis na siya ang puntirya.
Read: Kim Chiu on levelling up relationship with Xian Lim: "Darating tayo diyan."
Naniniwala si Xian, na puwera sa mga ito, ang layunin niya bilang artista ay makapag-inspire at maging blessing sa mga taong nagmamahal sa kanya.
Ngunit dahil sa mga paninira at hindi makatotohanang impormasyon ay unti-unti raw siyang nasisira.
Mababasa sa kanyang post (published as is), "Hi everyone, Let me share with you a story. My whole purpose of being in this world is to be a blessing to those around me.
"May it be in the film that I make, the podcast that I create, the paintings I exhibit or even as simple as posting content in my social media accounts.
"It’s designed to find that one soul who see themselves in me.
"A misfit. A misfit in a society who clamours for perfection.
"A misfit in life, a blacksheep if you will."
Tanging hiling ng aktor na bago pa maniwala sa kung ano ang nababasa online ay magsiyasat muna at kumpirmahin kung ito ba ay may katotohanan.
Kung maaari rin daw ay huwag nang mandamay pa ng iba kung ang intensiyon lamang ay para sa personal na kasikatan.
"Pleanty of hearsay happening right now and I would like to ask everyone to be mindful of what you chose to believe in deceiving headlines and other information used to just pretend to know the whole story for personal gain and traction.
"I ask to be mindful of what you share. Leave my family and friends out of this significant issue compared to what is happening in the world, our country, or even deep within ourselves."
Diin pa niya: "I am in the entertainment industry but I am not here to entertain.
"I am here to express, I am here to breathe life to the characters I play.
"I am here to tell you a story in whatever shape or form it may be.
"I am not here to explain and satisfy ones curiosity.
"I am not here to ask for sympathy and spread hate. That is not who I am."
Ngunit kung ano't ano pa man, patuloy raw na mamahalin at pahahalagahan ni Xian ang mga bagay na mayroon siya ngayon para wala siyang pagsisihan sa dulo.
Aniya, "Mahal ko ang mga tao sa paligid ko. Mahal ko ang pagkakataon na naibigay sa akin ng tadhana and I will continue to use my voice to share my purpose.
"I will continue to find it, search for it and be the best version of me that I can become and hopefully leave a mark in this lifetime."
Hindi malinaw kung anong isyu ang pinatutungkulan dito ni Xian, ngunit kamakailan ay may espekulasyong naglabasan tungkol sa relasyon nila ng nobyang si Kim Chiu.
Hinala ng netizens, hiwalay na ang dalawa dahil hindi na sila madalas nakikitang magkasama, lalo na nitong mga nagdaang linggong nagbakasyon nang solo si Kim sa California, USA.
Agad naman itong pinabulaanan ni Kim nang makapanayam siya ng entertainment press sa thanksgiving mediacon ng Linlang, ang Prime Video series na pinabibidahan niya, noong October 31, 2023.
Read:
- Four Reasons to watch Prime Video series Linlang
- Kim Chiu on 'sampal' scene with Maricel Soriano in 'Linlang': "Bucket list, check!"
- Linlang: Trending scenes with quotes
"Okay naman kami ni Xi [palayaw ni Xian]," maikling sagot ni Kim matapos siyang tanungin kung kamusta na ang estado ng relasyon nila ni Xian.
Sundot na tanong ng isang reporter, "Very strong?"
"Oo," pagsang-ayon ni Kim.
Dagdag pa niya, "Mapanlinlang ang showbiz, pero maayos naman po [kami]."