Si Sheynnis Palacios ng Nicaragua ang itinanghal na Miss Universe 2023.
Ito ang kauna-unahang beses na nagkaroon ng Miss Universe title ang Nicaragua.
Bago makoronahan si Sheynnis, apat na beses lamang nakaabot sa semi-finals ang Nicaragua: noong 2020 (Top 21); 2013 (Top 16); 2007 (Top 10); at 1977 (Top 12).
Ginanap ang Miss Universe 2023 pageant sa El Salvador nitong Linggo ng umaga, November 19, 2023 (PH time).
Read: How much does it cost to attend Miss Universe 2023 pageant in El Salvador?
Si R’Bonney Gabriel ng U.S. ang nagpasa ng korona.
First runner-up si Anntonia Porsild ng Miss Thailand at second runner-up si Miss Australia Moraya Wilson.
Read: Who is R'Bonney Gabriel, Miss Universe 2022?
Ang pambato ng Pilipinas na si Michelle Dee ay umabot sa Top 10, pero hindi na umabante sa Top 5.
Sina Thailand, Australia, at Nicaragua ang napili sa Top 3, para sa final question-and-answer segment.
Bago ito ay sumalang muna sila sa interview questions ng Top 5. Narito ang listahan ng Top 5.
- Australia
- Puerto Rico
- Nicaragua
- Thailand
- Colombia
Pinili naman ang Top 5 mula sa Top 10 na sumalang sa evening gown competiton.
Sila ay sina Puerto Rico, Philippines, Thailand, El Salvador, Peru - Venezuela, Colombia, Australia, Nicaragua at Spain.
Hinugot naman ang Top 10 mula sa Top 20 na nagpatagisan sa swimsuit competition
Sila ay sina Nicaragua, Nepal, Spain, Peru, Puerto Rico, Cameroon, Namibia, Colombia, Venezuela, Pakistan, India, Australia, Thailand, Philippines, Chile, Portugal, Jamaica, South Africa, U.S.A., at El Salvador.
Ginanap ang 72nd Miss Universe pageant sa El Salvador, kung saan 84 candidates mula sa iba’t ibang bahagi ng mundo ang nagpatagisan.