Ayaw manghimasok ni Maja Salvador sa hiwalayan nina Miles Ocampo at Elijah Canlas.
Si Maja ang humahawak at namamahala ngayon sa showbiz career ni Miles.
Noong March 2022, kumalas si Miles sa Star Magic at lumipat sa Crown Artist Management, ang talent agency na pinamumunuan ni Maja at ng asawa nitong si Rambo Nuñez.
Sa pagdalo ni Maja sa advance screening ng first Filipino original Netflix series na Replacing Chef Chico nitong Huwebes November 23, 2023, hindi siya nakaligtas na hingan ng reaksiyon sa hiwalayan nina Miles at Elijah.
@pepalerts @maja salvador at the #ReplacingChefChico red carpet #EntertainmentNewsPH #PEPNews #NewsPH #netflix ? original sound - PEP.ph
Iwas na sagot ni Maja sa entertainment press, “Ayoko munang mag-comment diyan because I just saw it now.
"So, no comment muna."
Paniniguro lang ni Maja na anu't ano man ang mangyari ay mananatili siya sa tabi ni Miles.
Kinumpirma ni Elijah na nagwakas na ang mahigit dalawang taong relasyon nila ni Miles sa panayam sa kanya ng ASS-CBN.
“We broke up a couple months ago," pahayag ni Elijah.
Read: Elijah Canlas, Miles Ocampo admit relationship
Nitong mga nakaraang buwan ay may mga pinagdaanan daw sila sa kani-kanilang buhay at nais muna nila itong maayos kaya sila nagdesisyong maghiwalay.
Ani Elijah, “Well, yeah, we went through a rough patch recently, mainly because we're going through our own personal stuff and it's been hard. So, we're figuring things out."
Read: Elijah Canlas confirms breakup with Miles Ocampo
Nauwi man sa breakup ang noo'y matamis nilang samahan at pagmamahalan, mananatili raw ang suporta ng aktor kay Miles sa mga gusto pa nitong makamit at maabot sa buhay.
Saad niya, "We're okay. We're not mad at each other or anything like that.
"I'm always gonna have love for her and I'm always gonna support her in whatever she does. And I'm always be her number one fan, basically.
"But right now, we're just taking our time figuring out ourselves and our lives right now."
MAJA ON KATHNIEL BREAKUP RUMORS
Maging sa kumakalat na espekulasyong hiwalay na sina Kathryn Bernardo at Daniel Padilla ay ayaw rin panghimasukan ni Maja.
Si Maja ay kilalang malapit kina Kathryn at Daniel.
"Ay pass ako diyan, sorry guys," tugon ni Maja nang natanong siya tungkol sa umano'y hiwalayan ng dalawa.
READ MORE: