"How can they break up if they never dated though?"
Ito ang tanong ng ilang netizens matapos lumabas ang balitang hiwalay na umano ang K-pop superstars na sina Taehyung o V ng BTS at Jennie ng BLACKPINK.
Ayon sa ulat ng South Korean media outlet na JTBC, napagdesisyunan daw nina V at Jennie na maghiwalay bago pa pumasok sa mandatory military services si V sa December 11, 2023.
Read: BTS' RM, Jungkook, V, and Jimin commence military enlistment process
Nagbigay ito ng palaisipan sa fans nina V at Jennie lalo na't wala naman silang direktang kumpirmasyon sa kanilang relasyon.
Noong December 2021, nagsimula silang maiugnay sa isa't isa matapos i-follow ni V si Jennie sa Instagram.
Nasundan pa ito noong May 2022, nang mag-viral ang kanilang mga larawang diumano'y magkasamang nagbabakasyon sa Jeju Island.
Nang hingan ng Soompi.com ng pahayag ang talent agency ni Jennie na YG Entertainment tungkol dito, ang tugon nila ay: “We have nothing to say [regarding this matter].
“We will inform you if we have a different response to share.”
Lalong umigting ang espekulasyong may espesyal na relasyon sina V at Jennie nang maispatan silang magkasama at magka-holding-hands-while-walking (HHWW) sa Paris, France, noong May 2023.
Read: BTS V, BLACKPINK Jennie allegedly spotted holding hands while walking in Paris
NETIZENS REACT
Sa X (dating Twitter), bumuhos ang kaliwa't kanang komento ng netizens tungkol sa nababalitang hiwalayan ng dalawang K-pop stars.
Tweet ng isang netizen, "This is the first time we see a breakup without dating."
Saad ng isa, "Grabe naman nauna pang ilabas yung breakup kesa sa aminin na sila na."
Sabi pa ng isa, "Ako lang ba nakahalata pero bakit parang sinabay sa pag-renew ng BP [BLACKPINK] ng contract sa YG itong news na to. Something fishy ha."
Read: BLACKPINK members renew exclusive contract with YG Entertainment for group activities
Hirit pa ng isa, "Hay nako Taehyung and Jennie, huwag muna kayong sumabay sa KathNiel."
Read: End of KathNiel Era: A timeline of their generation's hottest box-office love team
Samantala, habang isinusulat ang artikulong ito ay wala pang inilalabas na pahayag sina V at Jennie, maging ang kanilang mga talent managament hinggil sa napapabalitang hiwalayan ng dalawa.
Read: Bryanboy lectures BTS fans who bashed him for mispronouncing Taehyung's name