Tumangging magkomento ni Andrea Brillantes sa pagkakadawit ng pangalan niya sa hiwalayang Kathryn Bernardo at Daniel Padilla.
Read: End of KathNiel Era: A timeline of their generation's hottest box-office love team
Sa panayam ng News5 kay Andrea, na lumabas sa Frontline Pilipinas ngayong gabi, December 7, 2023, deadma ang young actress sa isyu.
Abala raw siya sa proyektong Senior High kaya tuloy lamang ang buhay para sa kanya.
Saad ni Andrea, “Di pa puwede mag-stop. Ang dami pa akong kailangan gawin in life. Madami pa akong kailangan bayaran."
Kaliwa’t kanan ang batikos ng netizens kay Andrea, na itinuturong third party sa KathNiel breakup pero deadma na siya rito.
Read: Andrea Brillantes kinuyog ng bashers matapos makumpirma ang KathNiel breakup
Naging inspirasyon daw niya sa pangdi-deadma sa bashing at intriga ang karakter niya sa Senior High dahil nagkaroon din siya ng personal growth.
Saad ni Andrea, "Siya'y lagi palaban, siya'y lagi sumusugod. Pero doon mo rin maaaral na hindi dapat sumusugod ka lang parati, dapat nag-i-strategize ka rin.
“And pina-process mo muna yung emotions mo.”
Noong November 8, 2023, ibinalita ni Ogie Diaz sa kanyang YouTube vlog ang usap-usapang hiwalay na umano ang KathNiel.
Dito unang lumabas ang pangalan ni Andrea.
Ayon kay Ogie, pasikreto pa umanong nagkikita ang dalawa.
Bagamat kalaunan ay binawi ito ni Ogie nang sabihin niyang hindi sa kanya unang nanggaling ang tsismis. Galing daw ito sa isang source na ayaw magpapangalan.
Read: Ogie Diaz denies starting KathNiel breakup rumors
Ipinagtanggol naman si Andrea ng inang si Belle Brillantes mula sa bashers.
Read: Andrea Brillantes’ mother to critics of daughter: “Bahala kayo dyan lahat magkagulo”