Naging maingat si Kakai Bautista sa kanyang pahayag nang matanong tungkol sa recent breakup nina Kathryn Bernardo at Daniel Padilla, o ang KathNiel.
Inamin ni Kakai na nagkaroon sila ng pag-uusap ni Kathryn recently.
Read: 13 leading men we want to see Kathryn Bernardo paired with
Si Kakai ay kaibigan ng former couple na A-listers ng showbiz. Nakasama ni Kakai ang KathNiel sa Must Be… Love (2013) at Crazy Beautiful You (2015).
Co-star din ni Kathryn si Kakai sa Hello, Love, Goodbye (2019).
Inusisa ng PEP.ph (Philippine Entertainment Portal) si Kakai sa press conference ng When I Met You In Tokyo, Huwebes, December 14, 2023.
Kasama si Kakai sa Metro Manila Film Festival 2023 entry na pinagbibidahan nina Vilma Santos at Christopher de Leon.
Paliwanag ni Kakai, ayaw niyang magbigay ng opinyon sa breakup lalo pa't pareho niyang kaibigan ang dalawa.
“Sa tingin ko, wala ako sa lugar to make an opinion kasi kilala ko parehas yung dalawa.
“Siguro pag-pray na lang natin silang dalawa. Pag-pray natin yung kanya-kanya nilang individuality, and kung anuman yung friendship nila na meron sila.
“Ipag-pray natin kasi, di ba, wala namang masaya kapag may naghihiwalay…”
Hindi raw si Kakai ang tipong mangungulit para magsalita sa kanya ang kaibigan.
“Basta andito lang ako. Lagi ko lang sinasabi kay Kath at saka kay DJ, ‘Andito lang si Ate,’ ganon. So, ganon lang akong klase na friend.”
Nag-reach out ba siya kay Kat matapos ang breakup?
“Yeah. Yeah. We talked recently,” sagot ni Kakai.
“Nag-usap naman kami. She’s okay, I think. And she’s a very strong woman.
"And grabe naman, nakita niyo naman yung growth niya as an actress. From a girl, to a lady, to a woman.
“Recently lang nag-ano lang, usap… pero not in so much details. So, pagpasensiyahan niyo kung hindi ko madi-disclose,” dagdag ni Kakai.
Itinanong din kay Kakai kung paano hina-handle ni Kath ang paghihiwalay nila ni Daniel.
“Kung ano ang nakikita niyo sa kanya, yun na yon.
"She’s a very strong woman. She’s a very classy woman.
"Iba. Sobrang proud ako sa kanya, how she handled it…"
Read:
- Kathryn Bernardo at Daniel Padilla, pinatunayang kaya nila magsama on stage sa kabila ng breakup
- KATHNIEL COMEBACK? Daniel Padilla deletes his breakup message to Kathryn Bernardo
- Daniel Padilla makes first public appearance after confirming breakup with Kathryn Bernardo
AN APPEAL FOR PRAYERS FOR KATHRYN AND DANIEL
Ano ang naging reaksiyon ni Kakai nang malaman ang paghihiwalay nina Kathryn at Daniel?
“Ay, umiyak ako! As a friend and as a fan, umiyak ako. Ipag-pray natin sila. Kasi mahal na mahal natin ang dalawang batang yon.
“Suportahan na lang natin sila as individuals and ipag-pray natin sila. Kasi as a friend, yun din ang ginagawa ko, pinagpi-pray ko…
“Kung anuman yung napapaloob sa kanilang dalawa, yung story behind that, iwan na natin sa kanilang dalawa yon, and let’s keep praying for their growth as individuals, sa friendship nila...”
Pakiusap pa ni Kakai, “Let’s just be respectful of whatever the decision na ginawa nila.
"And continue to love them as individuals and [as] KathNiel kung magkasama sila sa mga raket o mga ganap."