Inihayag ni Kris Aquino na kailangan na ng bunsong anak na si Bimby Aquino Yap na magtrabaho dahil sa lumulobong medical bills ng TV host-actress sa Amerika.
Halos magdadalawang taon na si Kris sa California para magpagamot sa kanyang samu’t saring karamdaman.
Read: Kris Aquino reveals latest health scare; will undergo iron infusion
Sa health update post ni Kris sa Instagram nitong nakaraang January 21, 2024, nagkomento rito si Cristine Calawod, artist handler ng Cornerstone Entertainment Inc.
Sabi ni Cristine, “Love you madam! be well [heart emoji] we are all praying for you!”
Sagot ni Kris, nakatakdang umuwi si Bimby pagkatapos ng kanyang kaarawan sa February 14, 2024.
Sinabihan din niya itong hindi siya papayag magkaroon ng screen name si Bimby.
Saad niya, “@cristine bimb might go home after my birthday. He needs to work because my medical bills are already getting higher & higher.
"But Tin, the stage mom is already saying NO to a name change. He’ll stay as Bimb. No last lame, like Drake.”
Noong nakaraang taon ay nakikitang nakipag-meeting si Bimby sa mga ehekutibo ng Cornerstone.
Sa nakaraang health update ni Kris, sinabi niyang nagsanga-sanga na ang kanyang karamdaman.
Sabi niya, “I cried nonstop when I got my blood panel results. My Churg Strauss/EGPA is still being treated, but to add to it my CREST SYNDROME is now in full ACTIVE mode.
“It's highly likely based on my ANA count, my high inflammatory numbers, my anemia, my now constant elevated blood pressure at night, and the consistent appearance of the "butterfly rash" on my face that I'm at the initial stage of SLE (Systemic lupus erythematosus) or what's commonly known as lupus."
Pero sinigurado naman ni Kris na hindi siya susuko para sa kanyang dalawang anak— sina Joshua at Bimby.
Read: Kris Aquino says her health issue "has become more complex"