Looking forward si David Licauco na maipalabas sa telebisyon ang historical action-drama ng GMA-7 na Pulang Araw, kung saan isa siya sa mga bida.
Makakasama niya rito sina Barbie Forteza, Sanya Lopez, at Alden Richards.
Kaabang-abang umano ang Pulang Araw dahil hango ito sa kuwento at pangyayari noong Japanese Occupation at World War II sa ating bansa.
Si David ay gaganap bilang si Hiroshi, isang Japanese na naging malapit na kaibigan ng magkapatid na sina Adelina (Barbie) at Teresita (Sanya).
Sila ang magkapatid sa ama na magiging Bodabil stars noong panahon ng mga Hapon.
Pagbabahagi ng aktor tungkol sa Pulang Araw, "Okay naman, nag-taping na kami.
"Na-cancel lang yesterday. Pero next Wednesday, meron kami.
“So, super excited for that.”
Samantala, nakatakdang lumipad si David papuntang Australia para manood ng The ERAS Tour ng American singer na si Taylor Swift.
Saad niya, "I'm going to Australia, sobrang excited ako dahil super fan ako. Sasayaw, kakanta."
May pitong concert dates si Taylor sa Australia: February 16, 17, at 18, 2024 sa Melbourne; at February 23, 24, 25, at 26 sa Sydney.
Pero bago ito, ipagdiriwang muna ni David at ng pamilya ang Chinese New Year sa February 10.
Saad niya, "Kakain with my family, enjoy Chinese restaurant. So, ayun.
"Tsaka manonood ng Dragon dance kasi nung bata pa lang ako, laging pinapanood ko na."
Nakausap ng PEP.ph (Philippine Entertainment Portal) at 24 Oras ng GMA-7 si David sa contract signing at launching niya bilang bagong endorser ng Honda Winner X sa SM Southmall, Las Piñas City, noong Sabado, February 3, 2024.
NEW ENDORSEMENT
Pinagkaguluhan ang tinaguriang Pambansang Ginoo sa launching niya bilang bagong endorser ng Honda Winner X.
Ang Honda Winner X ang bagong modelo ng nasabing motorcycle brand na may tatlong variants: Standard, ABS Premium, at ABS Racing.
Ang presyo nito ay mula PHP123K to PHP131K.
Bago mag-test drive si David ay pumirma muna ito ng kontrata kasama ang Honda Philippines, Inc. at GMA executives.
Pagkatapos ng contract signing, pinangunahan naman ni David ang test drive ng nasabing motorsiklo.
Anong pakiramdam na isa na siyang endorser ng Honda motorcycle?
Sagot niya, “I feel like hindi pa siya nagsi-sink in sa akin.
“I think kahit something na dream lang before, not even a dream. Hindi ko siya inisip na posible.
“But now that I'm here, I'm representing Honda, it's an honor for me.
“Actually, ang pinakaunang sasakyan ko ay Honda.
“So, talagang nakakataba ng puso and I'm super excited for this opportunity.”
Kumusta naman ang pag-test drive niya sa Honda Winner X?
Saad niya, "Sobrang masaya siyang e-drive and mabilis siyang... mabilis and more importantly, value for money.
"Tsaka, super safe i-drive."
Ini-encourage naman ni David ang safety driving.
Aniya, “Oo, dapat ganun. Hindi masyadong sumisingit. Patience lang.
“Darating din naman tayo kung saan tayo darating, di ba?”
Ano naman ang masasabi niya sa mga taong singit nang singit sa daan?
Sabi ng aktor, “Ngayon kasi nagmamadali sila.
“Sa akin, I mean, naintindihan ko naman kung nagmamadali sila. Busy tayong lahat.
“Pero naintindihan ko rin na kailangan din, chill lang. Dahil mas importante pa rin yung safety natin.”