Mukhang nakahanap na ng bagong pag-ibig ang singer/songwriter/actor na si JK Labajo.
Ito'y matapos niyang i-repost sa Instagram Story ang sweet birthday greeting sa kanya ni Miss Universe Philippines-Cavite 2024 at singer-songwriter na si Dia Mate.
Nagdiwang ng ika-23 kaarawan si JK kahapon, Lunes, February 5, 2024.
Sa litratong ipinost ni Dia sa Instagram, makikita ang larawan ni JK na nakasalampak sa lapag ng isang art museum.
Kalakip nito ang sweet birthday greeting niya sa "Ere" hitmaker.
Aniya, "To my light and happiness, Happy birthday love [red heart emoji].
"May you receive everything you deserve in this lifetime.
"I love you!"
Mabilis naman itong ni-repost ni JK sa kanyang IG Story, kalakip ang pasasalamat niya kay Dia.
Ani JK (published as is), "love you bb!!! [smiling face wih heart emojis, red heart emoji]."
Tila unti-unti na ring ipinakikilala ni JK si Dia sa kanyang mga kaibigan nang maispatan ang beuaty queen kasama ang singer sa isang pagtitipon, kasama ang kapwa niya singer-songwriters na sina Moira dela Torre at Kyle Echarri.
Noong April 2023, napansin ng netizens ang espesyal na relasyon nina JK at Dia nang i-upload ng Caviteña beauty queen ang TikTok video niya kasama ang Kapamilya singer.
Nasundan pa ito noong May 21, nang ibahagi niya ang TikTok video nila ni JK habang sinasayaw ang "Cupid" ng K-pop girl group na Fifty Fifty.
Read: JK Labajo reveals hit song "Ere" inspired by breakup with Maureen Wroblewitz
Ang model-beauty queen na si Maureen Wroblewitz ang huling nakarelasyon ni JK.
Noong June 2022, tinuldukan nina JK at Maureen ang kanilang relasyon matapos ang halos dalawang taong pag-iibigan.
Read: Maureen Wroblewitz drops a hint that JK Labajo is her first boyfriend
Base sa kani-kanilang mensahe sa Instagram noon, mukhang maayos ang kanilang naging hiwalayan ngunit hindi nila idinetalye kung ano ang dahilan.
Ayon sa dalawa, para ito sa kanilang "personal growth" dahil mga bata pa sila.
Si JK ay 21 lamang, at si Maureen ay 23 noong panahong iyon.
Read: JK Labajo and Maureen Wroblewitz break up
Sa ngayon ay mayroon na ring bagong kasintahan si Maureen.
Noong October 3, 2023, isinapubliko ni Maureen ang bago niyang natagpuang pag-ibig sa katauhan ng model at medical student na si Noah Steinbuch.
Ipinost ni Maureen ang dalawang short videos sa kanyang Instagram Story ng lambingan nila ni Noah.
Nagkataong ipinagdiriwang noon sa mundo ang National Boyfriend Day.
Caption ni Maureen sa unang video, “happy bf day [heart emoji]”
Read: Maureen Wroblewitz flexes boyfriend Noah Steinbuch on National Boyfriend Day