Diretsahang kinumpirma ng Kapamilya singer, songwriter, at actor na si JK Labajo na inspired ang hit song niyang "Ere" sa breakup nila ng dati niyang nobya, ang model-beauty queen na si Maureen Wroblewitz.
Noong June 2022, tinuldukan nina JK at Maureen ang kanilang relasyon matapos ang halos dalawang taong pag-iibigan.
Read: Maureen Wroblewitz drops a hint that JK Labajo is her first boyfriend
Base sa kani-kanilang mensahe sa Instagram noon, mukhang maayos ang kanilang naging hiwalayan ngunit hindi nila idinetalye kung ano ang dahilan.
Ayon sa dalawa, para ito sa kanilang "personal growth" dahil mga bata pa sila.
Si JK ay 21 lamang, at si Maureen ay 23 noong panahong iyon.
Read: JK Labajo and Maureen Wroblewitz break up
Sa panayam ni JK sa TV Patrol nitong Lunes, December 11, 2023, sinabi nitong hindi niya kailangang itago ang katotohanang nagawa ang kantang "Ere" makaraang maghiwalay sila ni Maureen.
Saad niya, "Kung hindi obvious, ewan ko na lang!
"Well, I'm not really hiding anything, it's a super given thing that the whole thing was for a breakup.
"'Ere' is one of the songs that I made for my relationship that ended, so that’s it.
"What part of the song? The whole song!"
Read: Is this JK Labajo’s reaction to Maureen Wroblewitz's sweet photo with rumored new boyfriend?
Ang breakup song ni JK na "Ere" ay gumawa ng kasaysayan bilang kauna-unahang Filipino song na nakapasok sa global chart ng Spotify, matapos itong i-release noong August 2023.
Ang naturang kanta rin ang itinuturing ngayong Most Streamed Local Track sa Pilipinas.
Binasag din ng “Ere” ang all-time record para sa biggest single day stream sa Spotify Philippines nang makapagtala ito ng 1.39 million streams dahilan para maungusan niya ang kantang “Mine” ng award-winning singer-songwriter na si Taylor Swift.
Maliban sa "Ere," kilala rin si JK sa kanyang mga kantang "Buwan," "Shot Puno," "Kalawakan," at "Demonyo."
Read: JK Labajo’s new album contains “all the songs for love turned into songs for sadness”
Samantala, sa ngayon ay mayroon nang bagong kasintahan si Maureen.
Noong October 3, 2023, isinapubliko ni Maureen ang bago niyang natagpuang pag-ibig sa katauhan ng model at medical student na si Noah Steinbuch.
Ipinost ni Maureen ang dalawang short videos sa kanyang Instagram Story ng lambingan nila ni Noah.
Nagkataong ipinagdiriwang noon sa mundo ang National Boyfriend Day.
Caption ni Maureen sa unang video, “happy bf day [heart emoji]”
Read: Maureen Wroblewitz flexes boyfriend Noah Steinbuch on National Boyfriend Day