Hanggang ngayon ay wala pa ring direktang pag-amin si Sarah Lahbati sa matagal nang usap-usapang hiwalayan nila ng asawang si Richard Gutierrez.
Pero sa panayam ni Sarah sa Frontline Pilipinas noong Martes, February 27, 2024, inamin niyang hindi sila nag-uusap ni Richard ngayon.
Read: Sarah Lahbati unfollows husband Richard Gutierrez on Instagram
Hindi na rin daw sila magkasama sa bahay at maging sa pagpapalaki sa dalawa nilang anak na sina Zion, 10, at Kai, 5.
"It's not easy on any child but I'm here for them and they're better," paniniguro ni Sarah.
Read: Sarah Lahbati bonds with sons Zion and Kai in lovely Bohol
Hindi man ito ang buhay na pinangarap ni Sarah, titiyakin daw nila ni Richard na mananatili silang mabuting magulang para sa dalawa nilang anak.
Ang kapakanan daw nina Zion at Kai ang una nilang isinasaalang-alang sa lahat ng desisyong gagawin nila.
Ani Sarah, "Well, of course, it's not ideal for the children, let's go back to the kids. But that's life and that'll be fine.
"We're good at parenting and we have, you know, we are there for the kids. That's all I'm gonna say."
"Patron Saint of Waldas"
Natanong din si Sarah tungkol sa mga batikos na ipinupukol sa kanya sa social media, partikular na ang bansag na "Patron Saint of Waldas."
Reaksiyon ni Sarah, "We have to think, take things lightly, di ba, or else puputi buhok natin. And hindi tayo magiging happy.
"So, natutuwa ako sa lahat ng mga tumatawag sa akin ng 'Patron Saint of Waldas,' as in natatawa ako.
"Every day may comment about it, so sinakyan ko nang konti."
Ganitong-ganito rin ang naging reaksiyon ni Sarah sa exclusive interview ng PEP.ph (Philippine Entertainment Portal) sa opening ng Travertine: Longevity and Wellness Spa sa EDSA Shangri-La Plaza, noong January 24.
Natawa lang ang celebrity mom sa "Patron Saint of Waldas" moniker niya.
Aniya, "I think it's funny. Yeah, it's just something I laugh about... I don't take anything seriously. That's another secret to be happy."
Hindi rin daw siya nagpapaapekto sa mga ito, dahil alam niyang sa totoong buhay ay "very good" siya pagdating sa paghahawak ng pera.
Read: Sarah Lahbati responds to "Patron Saint of Waldas" tag with humor
Noong unang linggo ng December 2023, nagsimulang pag-usapan ang diumano'y pagwawaldas ni Sarah ng pera.
Ito ay matapos lumabas ang interview ng kanyang mother-in-law na si Annabelle Rama, na nagpatutsada sa isang taong “nagwawaldas ng pera.”
Walang binanggit na pangalan si Annabelle kung sino ang kanyang pinatatamaan, subalit ang pahayag niyang iyon ay tungkol sa balitang hiwalay na ang anak na si Richard kay Sarah.
Read: Did Annabelle Rama just confirm Richard Gutierrez-Sarah Lahbati breakup?
Sinabi noon ng Gutierrez matriarch na isang buwan nang nakatira sa kanya si Richard, at unti-unti nang lumilipat sa kanilang poder kasama ang dalawang anak nila ni Sarah.
Ipinagtanggol pa ni Annabelle si Richard at halatang pinasaringan si Sarah.
Bahagi ng pahayag noon ni Annabelle: "Mahirap sa kanya kasi unang-una, trabaho siya [Richard] nang trabaho, wala siyang ginawa kundi magtrabaho.
"Pagdating niya sa Manila, hindi niya alam kung bakit nagkaroon ng gulo. Yun lang yun. Maghihintay lang kayo kasi malalaman niyo rin, not now.
"Nakikita mo naman di ba? Nakikita mo naman, hindi mo na kailangang magsalita pa. Nakikita mo na iyan, di ba?
"Si Richard trabaho nang trabaho, yung isa nagwawaldas ng pera. Yun lang ang masasabi ko diyan.
Read: Sarah Lahbati reacts to “waldas pa more” comment of netizen
Habang isinusulat ang artikulong ito ay wala pa ring kumpirmasyon sa totoong estado ng relasyon nina Sarah at Richard.
Read: Richard Gutierrez and Barbie Imperial spotted together at Alabang gastropub