Iuurong sa ibang petsa ang Janella Reimagined concert ni Janella Salvador na nakatakda sana sa April 19, 2024, sa New Frontier Theater, Cubao, Quezon City.
Read: Janella Salvador: Triple Threat
Anunsiyo ng Star Magic sa Instagram ngayong araw, April 10, 2024, dahil sa "unforeseen circumstances" kaya iiskedyul sa ibang araw ang 10th anniversary concert ni Janella.
"Due to unforeseen circumstances, we would like to announce that Janella Salvador’s ‘Janella Reimagined’ concert will be POSTPONED to a later date.
"Tickets are still valid for the rescheduled date or can be refunded via TicketNet. We apologize for any inconvenience caused and appreciate your understanding."
View this post on Instagram
Sa X (dating Twitter), inunahan na ni Janella ang netizens na maaring magbigay ng opinyon ukol sa pagkaurong ng kanyang concert.
Sabi niya sa kanyang tweet ngayong hapon ng Miyerkules, "pa0s ksi sya,,, kau nlang !!! ayan inunahan ko na kayo mwah"
Isinunod naman niya kaagad ang seryosong paliwanag ukol dito.
Ikinalungkot din daw niyang mauurong ito sa ibang araw dahil looking forward siya sa kanyang concert.
Saad ng Kapamilya star, "…on a serious note, I apologize and am so thankful to all those who have been looking forward to my concert.
"I’m genuinely excited for this and would love to be even more prepared for the day it finally pushes through.
"More details to be announced soon and looking forward to still seeing everyone"
Ang "paos ako, kayo na lang" remark ay nag-viral matapos itong bigkasin ni Janella sa It's Showtime guesting niya noong April 2, 2024.
Noong araw na iyon, bumisita si Janella at ang Thai actor na si Win Metawin sa Kapamilya noontime show para i-promote ang kanilang upcoming film na Under Parallel Skies.
Binanggit din ni Janella ang kanyang upcoming concert at single niyang "Headtone."
Matapos mag-promote, humingi sa kanya ng "sample" o patikim ang It's Showtime co-host na si Kim Chiu.
Pero hindi siya napagbigyan ni Janella.
"Sample naman Janella sa bago mong..." hirit ni Kim.
Hindi pa man natatapos sa pagsasalita si Kim ay agad naman nang sumagot si Janella.
Aniya, "Medyo paos ako today, kayo na lang. Next time, promise."
Read: Netizens defend Janella Salvador's "paos ako, kayo na lang" remark in It's Showtime
JANELLA SALVADOR APOLOGIZES
Mabilis na nakarating kay Janella ang namumuong isyu sa pagitan ng fans nila ni Kim.
Sa X pa rin noong April 5, naglabas ng pahayag si Janella para klaruhin sa publiko na wala siyang intensiyong bastusin si Kim.
Humingi na rin daw siya ng paumanhin sa TV host-actress kung sakaling na-offend ito.
Ngunit paglilinaw niya, wala siyang kailangang ipaliwanag sa mga taong mali ang naging interpretasyon sa kanyang sinabi.
Mababasa sa kanyang post (published as is), "just to be clear, I have personally apologized for unintentionally offending someone but not for setting a valid boundary.
"If you twist my words that’s on you. I will always be assertive but never disrespectful.
"If you can’t tell the difference and find something wrong with that, then you’re a people pleaser and again…that’s on you."
Read: Janella Salvador reacts to viral It's Showtime guesting; warns against comments involving son