Isang madamdaming pagbati ang ibinahagi ni Isabel Santos sa Instagram para sa kaarawan ng boyfriend at aktor na si John Lloyd Cruz.
Ipinagdiwang ni John Lloyd ang kanyang ika-41 kaarawan kahapon, June 24, 2024.
Sa Instagram, nag-share si Isabel ng ilang candid pictures ng boyfriend na kuha sa iba't ibang lakad nila.
Caption niya, "Mahal kita beh [glowing star, crab emoji]"
View this post on Instagram
JOHN LLOYD to isabel: "THANK YOU FOR YOUR LOVE."
Sa comments section, una ring sumagot si John Lloyd sa post ng girlfriend.
Ang Instagram account na ginamit ni John Lloyd ay ang kanyang personal account gamit ang tawag sa kanya ng malalapit na kaibigan—Idan Cruz.
Nagpasalamat ang aktor sa pagdating ni Isabel sa kanyang buhay.
Mensahe niya, "And thank you beh for coming into my life. Your love makes life a little less ordinary and carries me to a place where silence allows me to transform the greatness of astonishing pain and intolerable loss into an opportunity to be the person i want my son to see.
"Thank you for being there beh. Thank you for your love. Please don’t ever stop cooking for me. It’s the only way i truly feel special. @isabelreyesantos"
Sagot ni Isabel, "grabe namannn parang birthday ko"
Nagpasalamat din siya sa lahat ng bumati sa kanya para sa kanyang kaarawan.
Aniya, "Thank you sa lahat ng bumati."
JOHN LLOYD: "SI ISABEL AY GIRLFRIEND KO."
October 24, 2023, inamin ni John Lloyd ang relasyon nila ni Isabel sa panayam ng aktor sa Fast Talk With Boy Abunda ng GMA-7.
Diretsong sabi niya, "Si Isabel ay girlfriend ko. Boyfriend niya ako."
Read: John Lloyd Cruz seen with girlfriend Isabel Santos's family
At noong panahon na iyon, ibinahagi ni John Lloyd sa publiko ang kasaysayan ng pagmamahalan nila ni Isabel, ang apo ng award-winning cartoonist at fine arts painter na si Mauro “Malang” Santos.
Ayon sa aktor, “We’re boring people. Wala kaming maikukuwento. Ganyan lang kami.
“Matagal na kaming magkakilala. Gallery nila yung una kong pinasok na gallery.
“At the time na bago pa lang akong tumigil with ABS-CBN, napadpad ako sa pag-e-explore ng arts so gallery nila yung una kong napasok.
“Sila yung mga una kong nakilala. Yung family nila, kung sino yung patrons ng gallery nila. Matagal na kaming magkakilala.
“We were talking before but hindi nag-evolve into something ideal for us, at the time. Mula noon, present na rin siya sa buhay ko.”
Read: Isabel Santos posts holding hands photo with rumored boyfriend John Lloyd Cruz
Si Isabel ay isa ring mahusay na fine arts painter, isang talent na hindi maitatangging minana niya mula sa kanyang namayapang lolo.
Nagtapos si Isabel ng European at German studies sa Ateneo De Manila University.
Mga artist din ang kanyang mga magulang na sina Soler at Mona Santos, ang mga may-ari ng West Gallery sa West Avenue, Quezon City.
Ang art gallery na ito ang tinutukoy ni John Lloyd na pinuntahan nito bago ang kanyang showbiz hiatus noong 2017.
Nang itanong ni Boy Abunda kay John Lloyd kung nakatulong si Isabel sa paniniwala niya sa kasal, positibo ang sagot ng aktor.
Aniya, “Yeah. Malaki yung… she’s very elemental sa mga ganyang bagay.
"Sa kung paano namo-mold yung kung anuman yung mga lumalabas sa bibig ko. Kung anuman yung nabubuo sa isip ko.
“Siyempre, yung consideration lagi for the two of us, especially para sa kanya, laging nandoon."
Sumunod na tanong ni Boy, “Nagtatanong about showbiz [si Isabel]?"
Tugon niya, “Hindi masyado.
"Siguro when it comes to films, lumalabas yon. But yung siya, like tatanungin kung paano, hindi masyado.”
Bago pa man ang kumpirmasyon ni John Lloyd, November 2021 pa lamang ay iniuulat na ng PEP.ph (Philippine Entertainment Portal) ang sightings ng dalawa.
Read: Netizens ask: are John Lloyd Cruz, artist Isabel Santos an item?
Kahit na inilihim nila sa publiko ang kanilang relasyon, mukhang alam na ito ng mga malalapit na kaibigan ng dalawa.
Iniulat din ng PEP.ph na dinala ni John Lloyd si Isabel sa Christmas party ng kanyang talent management noong December 2021.
Read: John Lloyd Cruz spotted anew with artist Isabel Santos; are they an item?
Naiulat din ng PEP.ph ang pagdalaw ni Isabel sa defuct sitcom na Happy ToGetHer ni John Lloyd para sorpresahin ito sa kanyang kaarawan noong June 2022.
Read: John Lloyd Cruz kisses Isabel Santos in front of Happy ToGetHer co-stars