Nagpaparamdam na nga ba sa Batangas ang TV host-actor na si Luis Manzano?
Ngayong araw, Biyernes, July 12, 2024, spotted si Luis kasama ang kanyang stepfather na si Finance Secretary Ralph Recto na dumalo sa tila isang political event sa San Juan, Batangas.
Naroon din si Pangulong Ferdinand Marcos Jr., na katabi nina Secretary Recto at Luis sa upuan.
Nalalapit na ang filing of certificate of candidacies kaya hindi maiwasang isipin na tila sasabak na sa pulitika ang Kapamilya TV host.
Sa kanyang Instagram Story, may ni-repost si Luis na post ng isang netizen mula sa San Jose, Batangas.
Ayon sa isa pang netizen, namahagi si Secretary Recto ng assistance para sa mga magsasaka, mangingisda, at mga pamilyang nangangailangan sa bayan ng San Jose.
Biro naman ni Luis sa isang post, "Kung sakali po na ako ay tatakbo, umaambon pa lang, may ayuda na agad" -Luis Manzano HAHAHAHAHAHA LARO"
Read: Ralph Recto says wife Vilma Santos might return to politics
#TEAMTALINOATPUSO
Sa post ni Luis sa Instagram, sinamahan niya ito ng hashtags na may kinalaman sa pulitika.
Buong post niya, "SenCongSec. Ralph Recto at Kuya Lucky Manzano, dumating na para sa malaking pagtitipon natin ngayong araw.
"#TeamTalinoAtPuso #BagongBatangas #OneBatangas"
View this post on Instagram
Natuwa naman ang mga Batañgueno dahil sigurado raw silang maayos si Luis pagdating sa trabaho.
Narito ang ilan sa kanilang mga komento:
LUIS MANZANO: "NAG-REPRESENT KAY MOMSKI"
Sa pamamagitan ng direct messaging sa Instagram, tinanong ng PEP.ph (Philippine Entertainment Portal) si Luis ngayong araw, July 12, kung simula na ba ito ng pag-iikot niya sa Batangas.
Napapabalita kasing sasabak na rin sa pulitika si Luis.
Sabi niya sa PEP, kinatawan lamang niya ang inang si Vilma Santos.
Aniya, "Nag-represent kay Momski lang muna."
Dagdag pa ni Luis, hindi pa napag-uusapan sa kanilang pamilya ang tungkol sa pulitika.
Abala rin daw siya sa bagong show niya sa ABS-CBN na Rainbow Rumble.
Saad niya, "Wala talaga, wala kami napag-uusapang pamilya, mas nagre-represent lang muna ako kay Momski, may Rainbow Rumble pa ako na ginagawa."
Matatandaang sa contract signing niya sa Kapamilya network noong July 2, 2024, sinabi ng TV host na hindi niya isinasara ang pagkakataong pasukin din ang pulitika o public service sa mga susunod na taon.
Pahayag ni Luis, "Lahat tayo may obligation to serve. In what capacity? It depends kung ano yung ibinigay sa yo ng Diyos. Depends on the cards dealt.
"Did I ever say no to politics before? Sabi ko, 'Hindi pa, hindi pa.'
"So, hindi na lang magugulat kung tawagin ako ng public service itong darating na taon."
Nasa isip talaga niyang darating ang araw na sasabak din siya sa pulitika?
Aniya, "Yes, I'm very much open to politics.
"Pero yun nga, ang gusto ko... kasi masyado natin iniisip na pulitika yan.
"If I do run, it has to be about public service."
Read: Luis Manzano not closing doors on politics