Hindi itinago ni Victor Puyat ang kanyang pagkadismaya kaugnay ng aniya'y pang-iinsulto sa pangalan ng kanyang nasirang ama, si dating Senate President Gil Puyat.
Si Gil Puyat ay nagsilbing senador mula 1951 hanggang 1972.
Pinag-usapan nang husto sa social media ang pagpapalit ng street sign na Gil Puyat Ave. (dating kilala bilang Buendia Avenue) sa Gil Tulog Ave. sa Makati City.
Read: Is Gil Puyat Avenue being changed to Gil Tulog Avenue?
Lumalabas ding pakana ito ng isang kompanya ng melatonin supplement, sa tulong ng isang ad agency.
“It is foolish game and it is insulting at the same time," himutok ni Victor Puyat sa panayam sa kanya ni ABS-CBN News reporter Jekki Pascual para sa TV Patrol ngayong Biyernes, July 26, 2024.
“But most of all, I felt bad that people can now do anything in total disrespect for somebody who has served the country so well.”
Ayon sa nakababatang Puyat, gumawa rin sila ng hakbang laban sa ad agency na nag-isip ng marketing gimmick na ito.
Sumulat sila ng complaint sa Ad Standards Council laban sa ad agency.
Ang Ad Standards Council ay isang independent at non-profit organization na nagre-regulate ng ad materials para tiyakin na ang mga ito ay “honest, fair, and most of all, responsible.”
Hinihiling ng Puyat family na masuspindi ang ahensiya at matanggal sa council.
Read: Gil Puyat's granddaughter on Gil Tulog street signs: "So disrespectful!"; Makati takes them down
MAKATI LGU ADDRESSES THE ISSUE
Naglabas na rin ng official statement si Makati City Mayor Abby Binay kaugnay ng isyu.
Sinabi ng alkalde na ipinatanggal na niya ang binagong street signs.
Pinagalitan na rin umano niya ang city officials na nag-isyu ng permit para payagang baguhin ang signages.
Sabi pa niya, “Humihingi ako ng paumanhin sa ating mga kababayan at sa pamilya ni dating Senate President Puyat.”
Batay sa Local Government Code of the Philippines, ang pagpapalit ng pangalan ng “local government unit or a public place, street or structure with historical, cultural, or ethnic significance shall not be changed, unless by a unanimous vote of the Sanggunian concerned and in consultation with the Philippine Historical Commission.”
Sa kabilang banda, humingi na rin ng paumanhin ang Wellspring, ang kompanya sa likod ng melatonin supplement kaugnay ng pangyayari.
Bahagi ng kanilang post: “We recognize and deeply regret the insensitivity of our execution and we offer our sincerest apologies to the Puyat family, the Makati City government, and the public.
“We have learned from this mistake and are committed to doing better.”