Excited si Baron Geisler sa first shooting day ng pelikulang Danggo kasama sina Cedrick Juan, Bianca Umali, at Tirso Cruz III, sa direksiyon ni Catherine “CC” Camarillo.
Nakatakda iyon ngayong Agosto 1, 2024, Huwebes, sa isang tenement.
Read: Baron Geisler regrets missed years with first daughter: "I didn't get to hug her"
“I would say it’s one of the most difficult roles na gagampanan ko,” lahad ni Baron sa birthday celebration ni Direk Brillante Mendoza noong Hulyo 30, Martes ng gabi, sa Secret Garden, Barangka Drive, Mandaluyong City.
“Kasi, I play twins. So, iba yung karakter ng bawat isa.”
Rom-com ang naunang dalawang pelikula ni Direk CC na ipinalabas this year.
Una, iyong Chances Are, You and I nina Kelvin Miranda at Kira Balinger.
Ikalawa, iyong That Kind of Love nina Barbie Forteza at David Licauco.
Ibang genre itong Danggo. Assassin movie ito.
“And stylized yung pelikula. So, grabe ang paghahanda namin. Maganda yung nangyari sa storycon and sa look test,” pagtatapat ni Baron.
“Kasi yung character ko dito, may kulay ang buhok… Parang may kulay ang mata. Exciting siyang project. I’m so blessed and grateful sa industriya.”
Iba-iba ang location ng movie, kabilang ang Bataan, Thailand, at South Korea.
Read: Why Doll House is Baron Geisler's "renaissance"
BARON GEISLER ON PREPARING FOR A ROLE
Premyadong aktor si Baron. Kinilala na ang husay niya sa akting. Pero nahihirapan pa rin siyang maghanda sa role?
Tumango si Baron, “Opo, kasi very challenging yung mga binibigay sa akin lately, and I’m grateful.
“Kasi dun ako naggo-grow. I learn a lot from each project, from the people in it as well. And so co-actors ko rin.
“And dun nai-inspire ako lalo na gumawa ng pelikula, mga challenging roles.
“So, may accent yung karakter ko dito, kasi English-speaking yung karakter ko dito, e. Both characters.
“Nag-immerse ako ng two months. Medyo nabaliw-baliw ako kasi may pagka-Joker yung karakter.”
Sa isang hotel nag-immerse si Baron.
“Mag-isa, nandun lang yung script sa akin. Tapos... since my character, may personality disorder itong character na ito, so sabi ko, ‘What if lagyan ko ng British-Australian accent?’
“Kasi he’s a lost, kinda lost soul. So I was thinking, ‘If I talk this way, mate…’ It’s like, ‘Papa, it wasn’t me! Papa, you should… who sent Fandango?’ you know.
“So I was thinking, I would play the character that way. And then the other character, like Michael Corleone lang na steady English lang.
“Poker-faced lang, mas introvert siya. So, I’m gonna have fun,” saad ni Baron.
Sa pelikulang The Godfather (1972) na idinirek ni Francis Ford Coppola, ang gumanap na Michael Corleone ay si Al Pacino.
Naka-relate siya sa The Godfather?
Mabilis na pakli ni Baron, “Of course. It’s the No. 1 movie of all time.”
Read: Baron Geisler, pinayuhan ang newbie stars na huwag siyang gayahin
BARON GEISLER ON DEROLING
Nagkahiwalay iyong kambal na karakter ni Baron sa movie. Pareho iyong may kani-kanyang kabaliwan.
Naapektuhan ba ang kanyang pamilya kapag nag-i-immerse siya para sa ganoong baliw-baliw na karakter? May epekto sa kanila?
“Meron, may konti. Kaya humihiwalay ako ng one week straight,” pag-amin ni Baron.
“Then pagdating ko sa bahay, OK na uli.”
Buti, nakakawala siya sa mga ganoong scenario? Nakakabitaw o nakakapag-derole agad sa karakter?
“Actually hindi. May mga araw, pagkagising ko, aanuhin ko yung accent ko, sasabihin ko yung dayalog ko,” pagsisiwalat ni Baron.
“Para lang hindi mawala dun sa focus, para pagdating sa set, somehow confident na ako sa gagawin ko.”
NETFLIX FAVORITE
Matapos ang Senior High, may bagong Kapamilya series na gagawin si Baron.
“Well, I don’t know kung puwede ko na siyang sabihin. Basta, abangan lang nila na na-bless ako ng ABS-CBN at Star Creatives,” pahayag ni Baron.
“At kinuha nila ako. Nagbigay sila ng trust sa akin to work on a nine-month or more month project.
“So, I’m giving it my all. And I’ll be able to do this because I know the team, Direk Lester [Pimentel Ong]. And then, my plus one is my beautiful wife.”
Ayaw magbigay ni Baron ng mga detalye kung saan-saan kukunan ang nasabing serye, at kung sinu-sino ang co-stars niya rito.
Pero napabalita nang kasama siya sa maaksyong Kapamilya teleserye na tatampukan nina Richard Gutierrez, Daniel Padilla, at Ian Veneracion. Originally ay nasa cast niyon si Enrique Gil.
Kasama rin sa nasabing serye sina Maris Racal, Anthony Jennings, at Kaila Estrada.
Read: Daniel Padilla, suportado pa rin ng solid fans
Sabi pa ni Baron, “I’m so blessed na… kasi si Direk Lester, nung April may syinut kami na prinodyus ng Netflix. It’s called The Delivery Rider.”
Nakatakda iyong mag-streaming sa huling quarter ng 2024, malamang na late November or early December.
“Worldwide ang release nito. May konting Christmas and New Year vibe iyong story.”
Nagiging paborito siya ng Netflix!
Netflix original iyong Doll House (2022) nila ni Althea Ruedas. Bali-balitang magne-Netflix din iyong maaksyong teleserye niya with Richard, Daniel, Ian, and MaThon.
“Thank you, Lord! Sobrang salamat ako kay Sir Vitto [Lazatin] of Netflix!” bulalas ni Baron.
“And nagpapasalamat din ako kay Direk Lester. Kasi ang ganda ng working relationship namin, e. Sobrang taas ng tingin ko sa kanya.”
Dire-diretso ang trabaho niya? May pelikula na, may teleserye pa!
“Yeah, kaya sabi sa akin ni Arnold [Vegafria], my manager, ‘O, Baron, o, ginusto mong magtrabaho, di ba? Huwag kang mag-complain. Araw-araw kang magtatrabaho.
“‘Huwag kang pumalpak, kasi mag-aaway tayo,’ sabi ni Arnold sa akin,” pagsisiwalat ni Baron.