Negosyante na si Ashley Sandrine Yap, ang anak na dalaga ng aktor na si Richard Yap.
Si Ashley ang CEO ng bagong labas sa market na Sip2Glow, isang brand ng collagen drink na ang celebrity endorser ay si Richard mismo.
At sa launch ng Sip2Glow ay sabay naming nakapanayam ang mag-ama.
Nakausap ng PEP.ph (Philippine Entertainment Portal) ang mag-amang Richard at Ashley nitong Agosto 1 sa Electric Garden sa Taguig City sa launch ng Sip2Glow.
Read:
Meet Richard Yap's "twin," his daughter Ashley Yap
ASHLEY THANKFUL FOR DAD’S SUPPORT TO HER BUSINESS VENTURE
Una muna ay tinanong namin si Richard kung ano ang reaksyon niya nang nalaman niyang gustong maging businesswoman ng anak niya.
Lahad ni Richard, “Of course, it’s natural na suportahan ko siya because we’re a family of business people. My dad was a businessman, kaya nga hindi ako naging doktor kasi gusto niyang magnegosyo ako.
“So all-out support tayo diyan because I think that’s the way to go rather than working for somebody.”
Read:
Richard Yap grateful for his upbringing by strict dad
ASHLEY PROUD OF HER BEST ENDORSER
Natawa naman si Richard sa tanong namin kung gaano katagal ang kontrata niya bilang endorser ng Sip2Glow, kung isang taon o panghabambuhay?
“Medyo may part na din ako sa negosyo, parang pampalubag-loob,“ ang tumatawang pakli ni Richard.
Business partner din ba siya ni Ashley bukod sa pagiging endorser?
“Parang ano… what do you call that? Industrial, yung bibigay ko lang yung pag-endorse ko, not really because binabayaran ako, but because I believe in the product also.”
ASHLEY’S ACADEMIC ACHIEVEMENTS
Tinanong naman namin si Ashley kung ano ang kursong tinapos niya at kung saang eskuwelahan.
“I graduated with a degree of Marketing Management in La Salle po,” saad ni Ashley.
“With Jose Rizal Honors,” ang pagmamalaking dagdag naman ni Richard.
ASHLEY ON THE PERKS OF HAVING A CELEBRITY DAD
Tinanong namin si Ashley, dahil si Richard ay isang certified heartthrob, ano ang nararamdaman niya kapag nalalaman niyang maraming may crush sa daddy niya?
“Natutuwa naman po ako,” ang nakangiting bulalas ni Ashley.
“Actually, madami nga pong nagsasabi sa akin na, ‘Oh my God, crush ko yung daddy mo!’, ‘Oh my God, ang hot ng daddy mo!’
“Tapos parang, natatawa na lang po ako kasi sanay na rin po ako, and I’m very happy na even at his age, di ba, na marami pa ding nagka-crush sa kanya talaga.”
Nakakaaliw naman ang tumatawang sinabi ni Richard tungkol dito.
Aniya, “Sinasabi niya sa akin, ‘Mas mabuti ng may nagkaka-crush sa iyo kesa wala!’”
ASHLEY ON DAD’S BEST ADVICE
Ano ang best advice sa sa kanya ng daddy niya?
Saad ni Ashley, “To be hands-on talaga and to know na you know, paglalaanan mo siya talaga ng oras and may mga paghihirap kang pagdadaanan, but we have them, my parents.”
Tulad ni Richard ay nakakontrata rin si Ashley sa GMA Network bilang isang Sparkle artist.
ASHLEY DREAMS OF ACTING PROJECT WITH DAD RICHARD
Kung sakaling may isang proyekto o serye na pagsasamahin silang mag-ama ay papayag si Ashley.
“Yes, of course,” mabilis na sagot ni Ashley.
“Actually, iyon po yung dream ko, I really wanna be able to work with him onscreen talaga.”
Hindi ba siya mag-ge-guest sa Abot Kamay Na Pangarap na top-rating TV series ng GMA kung saan isa si Richard sa mga bida?
“Malay po natin in the future,” ang isinagot ni Ashley samantalang tumatawang sinabi ni Richard na, “Iparating natin dun sa ano!”
ABOT-KAMAY NA PANGARAP STILL NO ENDING IN SIGHT
Tila wala ng katapusan ang extension ng Abot-Kamay Na Pangarap dahil nga sa consistent na mataas na ratings nito.
“Well, of course we’re very happy because may trabaho kami, but we also want to continue giving, you know, kung naiinis kayo sa show, gusto pa din naming ibigay yung inis sa inyo,” at muling natawa si Richard.
“Para mag-continue, hindi naman maputol.”
Hanggang kailan ba ang show nila?
“As of now, wala pa kaming ending e, so hindi pa namin alam, but of course, we want to continue giving you a good program.
“Of course, hinihintay ng mga tao ma-resolve yung mga problema dun at saka kung mag-e-end up ba kami ni Lynette, so yun, gusto ko abangan nila,” sagot ni Richard na gumaganap bilang Dr. RJ Tanyag sa show na kapareha ni Carmina Villarroel bilang si Lynette Santos na ina ni Dra. Analyn Santos na ginagampanan naman ni Jillian Ward.
Samantala, ayon kay Ashley, ang Sip2Glow ay yari sa mga Korean ingredients at sa Korea mismo tinitimpla. Sa ngayon, available daw ito online.
Read:
Abot-Kamay Na Pangarap at Lilet Matias, consistent ang double-digit ratings
Atty. Annette Gozon-Valdes, sinabing posibleng "hindi matapos" ang Abot-Kamay Na Pangarap